Shikhar Dhawan Divorce with Wife Ayesha Mukherjee: ભારતીય ક્રિકેટ ટીમના સ્ટાર ઓપનર શિખર ધવનને (shikhar dhawan) લઇને એક મોટા સમાચાર સામે આવી રહ્યા છે. ધવને તેની પત્ની આયેશા મુખર્જીથી (ayesha mukherjee) છૂટાછેડા લીધા છે. દિલ્હીના પટિયાલા હાઉસ સંકુલમાં સ્થિત ફેમિલી કોર્ટે શિખર ધવનના છૂટાછેડાને મંજૂરી આપી દીધી છે. આ સાથે જ કોર્ટે સ્વીકાર્યું કે, શિખર ધવનની પત્નીએ ધવનને વર્ષો સુધી પોતાના એકના એક પુત્રથી અલગ રહેવા માટે મજબૂર કરીને તેને માનસિક પીડા આપી હતી.
ફેમિલી કોર્ટના જજ હરીશ કુમારે છૂટાછેડાની અરજીમાં ધવને પત્ની પર લગાવેલા તમામ આરોપોને સ્વીકાર્યા હતા. ફેમિલી કોર્ટે પોતાના આદેશમાં નોંધ્યું છે કે ધવનની પત્નીએ કાં તો ઉક્ત આરોપોનો વિરોધ કર્યો નથી અથવા તો પોતાનો બચાવ કરવામાં નિષ્ફળ રહી છે.
પુત્રની કાયમી કસ્ટડી અંગે કોઈ આદેશ નહીં
ધવને તેની છૂટાછેડાની અરજીમાં કહ્યું હતું કે તેની પત્નીએ તેને માનસિક ક્રૂરતાનો ભોગ બનાવ્યો હતો. કોર્ટે ધવન દંપતીના પુત્રની કસ્ટડી અંગે કોઈ આદેશ આપવાનો ઇનકાર કર્યો હતો. કોર્ટે ધવનને તેના પુત્રને મળવાનો અને ભારત અને ઓસ્ટ્રેલિયામાં વાજબી સમયગાળા માટે વીડિયો કોલ પર તેની સાથે વાતચીત કરવાનો અધિકાર પણ આપ્યો હતો.
કોર્ટે ધવનની પત્ની આયેશાને આદેશ આપ્યો હતો કે, તે આ બાળકને મળવાના હેતુથી ભારત લાવે, જેમાં ધવન અને તેના પરિવારના સભ્યો સાથે શૈક્ષણિક કેલેન્ડર દરમિયાન શાળાની ઓછામાં ઓછી અડધી રજાઓ ગાળવાનો પણ સમાવેશ થાય છે. કોર્ટે કહ્યું કે અરજીકર્તા શિખર ધવન પ્રખ્યાત આંતરરાષ્ટ્રીય ક્રિકેટર છે.
એક નાગરિક અને જવાબદાર પિતા તરીકે પણ તેમને અધિકાર છે. સાથે જ કોર્ટ બાળકના પિતા અને પરિવારના નજીકના રહેવાના અધિકારનું પણ ધ્યાન રાખે છે. 37 વર્ષીય શિખર ધવનને વન ડે વર્લ્ડકપ માટેની ભારતીય ટીમમાં સ્થાન મળ્યું નથી. તેઓ અત્યારે ક્રિકેટમાં સારો સમય પસાર કરી રહ્યા નથી. તે ટીમમાં સ્થાન બનાવવા માટે સંઘર્ષ કરી રહ્યો છે.
View this post on Instagram
શિખર ધવનની ક્રિકેટ કારકિર્દી:
ટી20 આંતરરાષ્ટ્રીય- 68 મેચ, 1759 રન, 27.92 એવરેજ, 11 અડધી સદી
વનડે- 167 મેચ, 6793 રન, 44.11 એવરેજ, 17 સદી અને 39 અડધી સદી
ટેસ્ટ ક્રિકેટ – 34 મેચ, 2315 રન, 40.61 એવરેજ, સાત સદી અને 5 અડધી સદી
આઈપીએલ – 217 મેચ, 6616 રન, 35.19 એવરેજ, બે સદી અને 50 અડધી સદી
ધવનને આ રીતે આયેશા સાથે થયો પ્રેમ
કહેવાય છે કે શિખર ધવને હરભજન સિંહની ફેસબુક ફ્રેન્ડલિસ્ટમાં આયેશાને જોઈ હતી અને તેની આ તસવીર જોઈને તે મુગ્ધ થઈ ગયો હતો. આ પછી શિખરે આયેશાને ફ્રેન્ડ રિક્વેસ્ટ મોકલી હતી. બંને વચ્ચે વાતચીત થઈ હતી અને બંને ફેસબુક પર એકબીજાના પ્રેમમાં પડ્યા હતા. શિખર આયેશા કરતા 10 વર્ષ નાનો છે.
BREAKING: AAP સાંસદ સંજય સિંહની ધરપકડ, દારૂ કૌભાંડમાં પૂછપરછ બાદ EDએ કરી આકરી કાર્યવાહી
11 ગુંબજ, 324 થાંભલા… નડિયાદમાં બનશે ગુજરાતનું સૌથી મોટું અક્ષરધામ મંદિર, જાણો શું હશે બીજું ખાસ?
બંનેએ 2009માં સગાઈ કરી હતી. આ પછી ધવને 2012માં આયેશા સાથે લગ્ન કર્યા હતા. શિખરના આ પહેલા લગ્ન હતા, પરંતુ આયેશાના બીજા લગ્ન હતા. આયેશાના પહેલા લગ્ન ઓસ્ટ્રેલિયન બિઝનેસમેન સાથે થયા હતા, જેનું બ્રેકઅપ થઇ ગયું હતું. આયેશા અને તેના પહેલા પતિને રેયા અને આલિયા નામની બે પુત્રીઓ છે. જેમની ઉંમર 21 અને 17 વર્ષ છે. શિખર અને આયેશાને ઝોરાવર નામનો એક પુત્ર છે.