પિતાને પૂછ્યાં વગર જ સોનાક્ષીએ નક્કી કરી નાખ્યાં લગ્ન…શત્રુઘ્ન સિંહાનું નિવેદન તમને ચોંકાવી દેશે

Bollywood News: બોલિવૂડ અભિનેત્રી સોનાક્ષી સિન્હા હાલમાં તેના લગ્નને લઈને ચર્ચામાં છે. ભલે અભિનેત્રીએ મીડિયાની સામે તેના લગ્નની પુષ્ટિ કરી ન હોય, પરંતુ એવી ચર્ચા છે કે સોનાક્ષીએ તેના બોયફ્રેન્ડ ઝહીર ઇકબાલ સાથે લગ્ન કરવાનો પ્લાન બનાવી લીધો છે. બંનેના લગ્નની તારીખ પણ જાહેર થઈ ગઈ છે.

કહેવામાં આવી રહ્યું છે કે અભિનેત્રી આ મહિનાની 23મી જૂને લગ્ન કરવા જઈ રહી છે. વેલ, અભિનેત્રીના ફેન્સ તેના લગ્નથી ઘણા ખુશ છે પરંતુ તેના લગ્ન પર તેના પિતા શત્રુઘ્ન સિન્હાની પ્રતિક્રિયા લોકોને આશ્ચર્યમાં મૂકી રહી છે. દિગ્ગજ અભિનેતાએ તેની પુત્રીના લગ્નને લગતા પ્રશ્ન પર જે રીતે પ્રતિક્રિયા આપી તે જોઈને અનુમાન લગાવવામાં આવી રહ્યું છે કે કદાચ ‘દબંગ ગર્લ’એ તેના પિતાને પૂછ્યા વિના જ ઝહીર ઈકબાલ સાથે તેના લગ્ન નક્કી કરી લીધા છે.

દીકરીના લગ્ન પર આપી પ્રતિક્રિયા

તમને જણાવી દઈએ કે સોનાક્ષી સિન્હાના પિતા અને દિગ્ગજ અભિનેતા શત્રુઘ્ન સિંહાએ તેમની પુત્રીના લગ્નના સમાચાર પર પોતાની પ્રતિક્રિયા આપી છે. એક ઈન્ટરવ્યુ દરમિયાન તેણે કહ્યું કે આજના બાળકો શું કરે છે તે અંગે કોઈ માતા-પિતાને ક્યાં પૂછે છે? તેમને માત્ર જાણ કરવાની હોય છે. અભિનેતાએ ભલે સ્પષ્ટ વાત કરી પરંતુ લોકોને તેનો જવાબ પસંદ નથી આવી રહ્યો. શત્રુઘ્ન સિંહા અહીં જ ન અટક્યા અને આગળ કહ્યું, ‘હાલમાં હું દિલ્હીમાં છું. જ્યારથી લોકસભા ચૂંટણીના પરિણામો આવ્યા છે ત્યારથી હું અહીં છું અને આજ સુધી મુંબઈ ગયો નથી.

મને મારી દીકરી પર પૂરો વિશ્વાસ છે

શત્રુઘ્ન સિન્હાએ આગળ કહ્યું, ‘તમે મને પૂછો છો કે શું મારી દીકરી સોનાક્ષીના લગ્ન થઈ રહ્યા છે? આ પ્રશ્ન પર હું કહીશ કે હાલમાં મને આ વિશે કોઈ જાણકારી નથી. મેં સોનાક્ષી સાથે તેના લગ્નના પ્લાન વિશે વાત કરી નથી. તમે લોકો જેટલી માહિતી આપી રહ્યા છો તેટલી જ હું જાણું છું.’ અભિનેતાએ આગળ કહ્યું, ‘મને મારી પુત્રી પર વિશ્વાસ છે. તેણી જે પણ કરે છે અથવા જ્યારે પણ તેણી તેના લગ્નની યોજનાઓ વિશે અમને કહે છે, અમારા આશીર્વાદ તેની સાથે રહેશે.

વાત કરતાં અભિનેતા ભાવુક થઈ ગયા

તેણે કહ્યું, ‘મારી દીકરી મોટી થઈ ગઈ છે અને તેને તેના જીવન વિશે નિર્ણય લેવાનો પૂરો અધિકાર છે. હું જાણું છું કે તે કોઈ ખોટો નિર્ણય નહીં લે.’ વાત કરતી વખતે અભિનેતા થોડો ભાવુક થઈ ગયો.

પરેશ રાવલ વાપરવાના પૈસા ગર્લફ્રેન્ડ પાસેથી લેતા, 3 દિવસમાં જ છોડી દીધી બેંકની નોકરી, આ પાપ પણ કર્યું

ખરેખર જરૂર હતી કે મજબૂરીનો લાભ લીધો? આમિરે એક કિસિંગ સીન માટે 47 રિટેક લીધા, અભિનેત્રી માતા પણ…

હાથ ધરી હથિયાર, તડકો માથે તપ-તપે, તો’ય ઉભા અડીખમ…. વાસણા પોલીસ તમારી ફરજને સો-સો સલામ

તેણે કહ્યું, ‘જ્યારે પણ સોનાક્ષીના લગ્ન થશે, હું તેના લગ્નની જાનમાં ચોક્કસ ડાન્સ કરીશ.’ ઉલ્લેખનીય છે કે સોનાક્ષી સિન્હા અને ઝહીર ઈકબાલ છેલ્લા ઘણા સમયથી એકબીજાને ડેટ કર્યા બાદ લગ્ન કરી રહ્યાં છે. હવે આ સમાચારોમાં કેટલું સત્ય છે તે તો સમય જ કહેશે.