ગુજરાતમાં વરસાદી માહોલ જામ્યો છે. બીજી તરફ હવામાન વિભાગે હજુ પણ વરસાદની આગાહી કરી છે. આજે મોડી રાત્રે અમદાવાદમાં મેધરાજાએ જોરદાર એંટ્રી કરી હતી. તડામાર વરસાદને કારણે અનેક વિસ્તારમાં નદી જેવા દ્ર્શ્યો સર્જાયા હ્તા. રાત્રે શહેરના પૂર્વ વિસ્તારમા ધોધમાર વરસાદ પડ્યો હતો જેના લીધે અનેક નીચાણવાળા વિસ્તારો પાણી-પાણી થઇ ગયા હતા.
બીજી તરફ ફરી એકવાર ભારે વરસાદે તંત્રની પોલ ઉધાડી કરી દીધી હતી. ચારે તરફ રસ્તાઓ પર પાણી ભરાઇ જતા લોકોને હેરાન થઈ રહ્યા છે. સવાર થતા શહેરમા વરસાદ બંધ થઇ ગયો છે આમ છતાં હજુ સુધી કેટલાક વિસ્તારોમાં પાણી ભરાયેલા છે. અમદાવાદની પ્રકાશ સ્કૂલની બહાર વરસાદી પાણી ભરાઇ જતા બાળકો અને વાલીઓએ હેરાનગતીનો સામનો કરવો પડી રહ્યો છે. આ સિવાય હાઈવે નં. 8ના સર્વિસ રોડ પર પણ ઢીંચણસમા પાણી ભરાઇ ગયા હોવાના અહેવાલ છે.
બીજી તરફ આગાહી છે કે બંગાળની ખાડીમાં લો પ્રેશર સર્જાવાનુ ચાલુ છે અને તેના કારણે રાજ્યમાં આવનારા દિવસોમા હજુ પણ ભારે વરસાદ ખાબકી શકે છે. હવામાન વિભાગે આજે રાજ્યમા ફરી મેધમહેર જોવા મળવાની આગાહી કરી છે. પોરબંદર, મોરબી, બોટાદ, સુરેન્દ્રનગર, રાજકોટ, જામનગર, દ્વારકા, અમરેલી, ગીર સોમનાથ, જૂનાગઢ, ભાવનગર, પાટણમાં વરસાદની આગાહી છે.
બીજી બાજુ આજે અમદાવાદ, કચ્છ, ખેડા, બનાસકાંઠા, સાબરકાંઠા, દાહોદ, મહેસાણા, ગાંધીનગર, ડાંગ, સુરત, વલસાડ, નવસારી, ભરૂચ, નર્મદા અને તાપીમાં પણ સારો એવો વરસાદ વરસી શકે છે.