સુરેન્દ્રનગરના રતનપરમાં રહેતી યુવતી રમજાન ઈદના સમયે નજીકમાં આવેલા ઘરે ચાલતા બ્યુટીપાર્લરમાં આઈબ્રો કરાવવા માટે ગઈ હતી. એ સમયે બ્યુટીપાર્લરની સંચાલિકાના દિયરે યુવતી સાથે દુષ્કર્મ આચર્યુ હતુ. જ્યારે સંચાલિકાએ તેનો વિડીયો ઉતારી લીધો હતો. આ વિડીયો ઉતાર્યા બાદ દુષ્કર્મ આચરનારાએ તેની સાથે નિકાહ કરવા માટે યુવતી પાસે માંગણી કરતો હતો. આખરે આ મામલે જાેરાવરનગર પોલીસ સ્ટેશનમાં ફરિયાદ નોંધાવી હતી. ત્યારે પોલીસે ગુનો નોંધીને આગળની કાર્યવાહી હાથ ધરી છે.
પ્રાપ્ત વિગતો મુજબ, રતનપરમાં રહેતી ૧૯ વર્ષની યુવતી ગઈ ઈદનો તહેવાર હોવાથી ૧ મેના રોજ તેના ઘરની નજીક આવેલા બ્યુટીપાર્લરમાં આઈબ્રો કરાવવા માટે ગઈ હતી. બ્યુટીપાર્લરની સંચાલિકા નઝમાબેન ઈરફાનભાઈ જેડાએ યુવતીને બાજુના રુમમાં બેસવાનું કહ્યું હતું. એટલે યુવતી બાજુના રુમમાં બેસી હતી. આ દરમિયાન નઝમાબેન તેના દીયર ગુલાબમહમદ રહીમભાઈ જેડા સાથે આવી હતી. બાદમાં નઝમાબેને યુવતીને ગુલાબમહમદ પાસે ખાટલામાં બેસવાનું કહ્યું હતું.
આ વાત સાંભળીને યુવતી ત્યાંથી ચાલવા માંડી હતી, ત્યારે નઝમાબેને તેને ધક્કો મારીને પાડી દીધી હતી. બાદમાં ગુલાબમહમદે યુવતી સાથે દુષ્કર્મ આચર્યુ હતુ. આ દરમિયાન નઝમાબેને વિડીયો ઉતારી લીધો હતો. બાદમાં યુવતીને ધમકી આપી હતી કે, આ વાત કોઈને કહીશ તો વિડીયો વાયરલ કરી દઈશ. બાદમાં ગુલાબમહમદ વારંવાર ધમકી આપીને યુવતીને નિકાહ કરવા માટે દબાણ કરતો હતો.
ગુલાબમહમદ વિડીયોની ધમકી આપીને નિકાહ કરવાનું દબાણ કરતા યુવતીએ ગઈ ૧૩ મેના રોજ પરિવારને વાત કરી હતી. જે બાદ યુવતીના કાકા ગુલાબમહમદને સમજાવવા માટે ગયા હતા. ત્યારે મરામારીનો બનાવ પણ બન્યો હતો. જે બાદ સામસામે ફરિયાદ પણ નોંધાઈ હતી. ગઈ ૧૩ જૂને મારામારીનો બનાવ બનતા યુવતી ગભરાઈ ગઈ હતી. આ વાતની જાણ બધાને થશે અને આબરુ જશે એવી બીકના કારણે યુવતીએ ફિનાઈલ પી લીધુ હતુ. જે બાદ યુવતીને સારવાર માટે હોસ્પિટલમાં ખસેડવામાં આવી હતી.