Business News: સોનાના ભાવ રેકોર્ડ સ્તરે પહોંચી ગયાને થોડા દિવસો જ થયા છે. પરંતુ ત્યારથી આ કિંમતી ધાતુના દરમાં ઘટાડો થઈ રહ્યો છે. મંગળવારે પણ એમસીએક્સ અને બુલિયન માર્કેટમાં રેટ નીચે આવ્યા હતા. મધ્ય પૂર્વમાં તણાવ ઓછો થયા બાદ સોના અને ચાંદીના ભાવમાં ઘટાડો જોવા મળી રહ્યો છે. જો તમે સોનું ખરીદવાનું વિચારી રહ્યા છો, તો તમે થોડા દિવસો રાહ જોઈ શકો છો. નિષ્ણાતોનું કહેવું છે કે આમાં વધુ મંદી જોવા મળી શકે છે.
સાંજે સોનામાં રૂ.700થી વધુનો ઘટાડો નોંધાયો
મંગળવારે મલ્ટી કોમોડિટી એક્સચેન્જ (MCX ગોલ્ડ પ્રાઇસ) પર પણ સોના અને ચાંદીમાં મોટો ઘટાડો જોવા મળ્યો હતો. છેલ્લા કેટલાક દિવસોથી સતત વધારા બાદ હવે સોનાના ભાવમાં ઘટાડો જોવા મળી રહ્યો છે. વૈશ્વિક બજારમાં પણ નરમાઈ જોવા મળી રહી છે. મંગળવારે MCX પર 300 રૂપિયાની આસપાસના ઘટાડા સાથે કારોબાર શરૂ કરનાર સોનામાં સાંજે 700 રૂપિયાથી વધુનો ઘટાડો જોવા મળ્યો હતો. આ સમયે સોનું રૂ.746 ઘટીને રૂ.70856 પર ટ્રેડ થતું જોવા મળી રહ્યું છે. એ જ રીતે ચાંદીમાં પણ મોટો ઘટાડો જોવા મળ્યો હતો અને તે રૂ. 1357 ઘટીને રૂ. 81126 પ્રતિ કિલો પર ટ્રેન્ડ કરી રહ્યો છે.
IBJA વેબસાઇટે દરો જાહેર કર્યા
બુલિયન માર્કેટમાં પણ સતત ઘટાડો જોવા મળી રહ્યો છે. IBJA વેબસાઇટ અનુસાર સોમવાર બાદ મંગળવારે 24 કેરેટ સોનું લગભગ 400 રૂપિયા ઘટીને 71963 રૂપિયા પ્રતિ 10 ગ્રામ પર આવી ગયું. 23 કેરેટ સોનાનો ભાવ 71675 રૂપિયા અને 22 કેરેટ સોનાનો ભાવ 65918 રૂપિયા પ્રતિ 10 ગ્રામ જોવા મળ્યો હતો. ચાંદીના ભાવમાં પણ મોટો ઘટાડો જોવા મળ્યો હતો, તે 1000 રૂપિયા પ્રતિ કિલોથી વધુ ઘટ્યો હતો. સોમવારે 81128 રૂપિયા પર બંધ થયા બાદ આજે ચાંદી 80047 રૂપિયા પ્રતિ કિલો પર ખુલી છે.
પત્નીની સંપત્તિ પર પતિનો કોઈ જ અધિકાર નથી… ‘સ્ત્રીધન’ પર સુપ્રીમ કોર્ટની 5 વાતો તમારે જાણવી જોઈએ
WhatsApp એ કહ્યું ‘ તો અમે ભારત છોડીને ચાલ્યા જઈશું’, સરકારી નિયમોમાં કહેવામાં આવ્યું છે આવું-આવું!
બધા સવાલોનું સુરસુરિયું: EVM દ્વારા જ થશે મતદાન, સુપ્રીમ કોર્ટે બધી અરજીઓ ફગાવી દીધી
અત્યાર સુધી કેટલો ઘટાડો થયો છે
IBJA વેબસાઈટ અનુસાર 19 એપ્રિલે સોનું 73596 રૂપિયા પ્રતિ 10 ગ્રામની સર્વકાલીન ઊંચી સપાટીએ પહોંચ્યું હતું. જો તેના પર 3 ટકા GST લાગુ કરવામાં આવે તો તેનો દર 75804 રૂપિયા પ્રતિ 10 ગ્રામ થશે. 30 એપ્રિલે રેટ ઘટીને 71963 રૂપિયા પ્રતિ 10 ગ્રામ થઈ ગયો હતો. જીએસટી સાથે તે 74,122 રૂપિયા થઈ ગયો. આ રીતે છેલ્લા 10 દિવસમાં સોનું 1700 રૂપિયાની આસપાસ ઘટ્યું છે.