ગાંધીનગરથી એક મોટા સમાચાર સામે આવી રહ્યા છે. વિધાનસભા ગૃહની આજની કામગીરી શરૂ થાય તે પહેલાં કોંગ્રેસના તમામ ધારાસભ્યોએ વિધાનસભાના મુખ્ય પ્રવેશ દ્વાર પર કાળાં કપડાં પહેરીને સૂત્રોચ્ચાર સાથે વિરોધ દર્શાવ્યો હતો. હમ લડેં ગે ચોરો સે, મોદી અદાણી ભાઇ-ભાઇના નારા કોંગ્રેસના ધારાસભ્યો દ્વારા લગાવામાં આવ્યા હતા. કોંગ્રેસ ધારાસભ્યોનું કહેવું છે કે, રાહુલ ગાંધીનું સભ્યપદ રદ કરવા પાછળનું કારણ નરેન્દ્રભાઇ અને અદાણી વચ્ચેના સંબંધ છે? અદાણીની સેલ કંપનીઓમાં 20 હજાર કરોડનું બેનામી રોકાણ ક્યાંથી આવ્યું? આ રોકાણ કોનું હતું? ભાજપના મોટા નેતાની ભાગીદારી તો નથી ને? એ દેશની જનતા જાણવા માગે છે.
આ સાથે જ પાર્ટીના ધારાસભ્યોએ સવાલ કર્યો કે અદાણી ફાઇનાન્સ સ્કેમમાં લાખો એલઆઇસી પોલિસી ધારકો અને બેંક ખાતા ધારકોના પૈસા ડૂબવા જઇ રહ્યા છે તેની તપાસ માટે જેપીસીની માંગ કરવામાં આવી હતી. દેશની સંસદમાં પ્રશ્ન પૂછવામાં આવ્યા, જેપીસીની માગ કરવામાં આવી ત્યારે તેમને બોલતા રોકવામાં આવ્યા.
કાર્યવાહીમાંથી તેમનાં પ્રવચનો રદ કરવામાં આવ્યાં. તો વળી કોંગ્રેસના નેતા રાહુલ ગાંધીનું સંસદસભ્ય પદ રદ કરવાના વિરોધમાં પ્રદેશ કોંગ્રેસ દ્વારા લાલ દરવાજા રૂપાલી સિનેમા સામે ધરણાંનું આયોજન કરવામાં આવ્યું હતું. પરંતુ ધરણાં શરૂ થતાં જ પ્રદેશ પ્રમુખ, વિપક્ષના નેતાઓ સહિતના કોંગ્રેસના 150 જેટલા નેતાઓ અને કાર્યકરોની પોલીસે અટકાયત કરી હતી.
‘RRR’ સ્ટાર રામ ચરણની ઘડિયાળની કિંમત કરોડોમાં, લાઈફ સ્ટાઈલ અને પ્રોપર્ટી જાણીને તમારા હોશ ઉડી જશે
ગુજરાત વિધાનસભાના પ્રશ્નોતરીકાળની શરૂઆતમાં કોંગ્રેસના ધારાસભ્યો દ્વારા ગૃહમાં હોબાળો કરવામાં આવ્યો હતો. રાહુલ ગાંધીનું સભ્યપદ રદ કરવા બાબતે કોંગ્રેસના ધારાસભ્યોએ ગૃહની શરૂઆતમાં જ વિરોધ કર્યો હતો. કોંગ્રેસના ધારાસભ્ય દ્વારા ગૃહમાં અદાણીનો મુદ્દો પણ ઉઠાવવામાં આવ્યો હતો. ગૃહમાં કોંગ્રેસના ધારાસભ્યો બેનરો લઇને વેલમાં ઘૂસી ગયા હતા. જેથી વિધાનસભાની કલમ 51 હેઠળ અધ્યક્ષે નેમ કરીને હાજર તમામ ધારાસભ્યને વિધાનસભાની એક દિવસની કામગીરીમાંથી સસ્પેન્ડ કર્યા હતા. જોકે, સંસદીય બાબતોના મંત્રીની દરખાસ્ત બાદ તમામને સત્ર સમાપ્તિ સુધી સસ્પેન્ડ કરી દેવાયા હતા.