Business News:સોના-ચાંદી ખરીદનારાઓ માટે સારા સમાચાર છે. નબળા વૈશ્વિક વેપાર વચ્ચે આજે 24 ફેબ્રુઆરી 2024 ના રોજ ભારતીય બુલિયન માર્કેટમાં સોનું અને ચાંદી સસ્તા થયા છે. 10 ગ્રામ સોનું 62,720 રૂપિયામાં મળે છે. એક કિલો ચાંદીના ભાવમાં પણ ઘટાડો થયો છે અને હવે તે 75,200 રૂપિયામાં વેચાઈ રહી છે. HDFC સિક્યોરિટીઝે આ માહિતી આપી છે.
દિલ્હી બુલિયન માર્કેટમાં સોનાની કિંમત 80 રૂપિયા ઘટીને 62,720 રૂપિયા પ્રતિ 10 ગ્રામ થઈ ગઈ છે. છેલ્લા ટ્રેડિંગ સેશનમાં સોનું 62,800 રૂપિયા પ્રતિ 10 ગ્રામ પર બંધ થયું હતું. અમદાવાદમાં આજે 24 કેરેટ સોનાના એક તોલાના ભાવ 63,860 રૂપિયા બોલાઈ રહ્યાં છે
ચાંદીની કિંમત પણ 700 રૂપિયા ઘટીને 74,500 રૂપિયા પ્રતિ કિલો પર આવી ગઈ છે. છેલ્લા ટ્રેડિંગ સેશનમાં તે રૂ. 75,200 પ્રતિ કિલો હતો. HDFC સિક્યોરિટીઝના વરિષ્ઠ વિશ્લેષક (કોમોડિટી) સૌમિલ ગાંધીએ જણાવ્યું હતું કે, “વિદેશી બજારોમાં વધારા વચ્ચે દિલ્હીના બજારોમાં સોનાની હાજર કિંમત (24 કેરેટ) પ્રતિ 10 ગ્રામ રૂ. 62,720 હતી, જે અગાઉની સરખામણીએ રૂ. 80 ઓછી છે.
વિદેશી બજારોમાં સોનું ઔંસ દીઠ US $ 2,019 પર ટ્રેડ થઈ રહ્યું હતું જ્યારે ચાંદી US $ 22.60 પ્રતિ ઔંસ પર ટ્રેડ થઈ રહી હતી. નોંધનીય છે કે આ દરો તમે ઘરે બેઠા સરળતાથી જાણી શકો છો. આ માટે તમારે આ નંબર 8955664433 પર એક મિસ્ડ કોલ આપવાનો રહેશે અને તમારા ફોન પર એક મેસેજ આવશે, જેમાં તમે નવીનતમ દરો જાણી શકો છો.