Gujarat Weather Forecast: સમગ્ર ગુજરાતમાં મેઘરાજાએ ધડબડાટી બોલાવી દીધી છે. હવામાન વિભાગની આગાહી અનુસાર સમગ્ર રાજ્યમાં મેઘ મહેર જોવા મળી રહી છે, ત્યારે મધ્ય ગુજરાતમાં પણ વરસાદની હેલી વરસી છે. છોટા ઉદેપુરમાં પણ વહેલી સવારથી જ વરસાદી માહોલ જામ્યો છે. અહીં મેઘરાજાએ વહેલી સવારથી જ દે ધનાધન બેટિંગ શરૂ કરી દીધી છે. શહેર અને ગ્રામ્ય વિસ્તારમાં રોડ રસ્તા પર વરસાદી પાણી ફરી વળ્યા છે.
હવામાન વિભાગે દક્ષિણ ભાગમાં ભારેથી અતિભારે વરસાદ રહેવાની સંભાવના વ્યક્ત કરી છે, જેમાં જિલ્લા પ્રમાણે નાઉકાસ્ટ કરીને ત્રણ કલાકની આગાહી (1 વાગ્યા સુધી) ની આગાહી કરી છે, જેમાં છોટાઉદેપુર માટે રેડ એલર્ટ જાહેર કરવામાં આપવામાં આવ્યું છે. આ સિવાય મધ્ય તથા દક્ષિણ ગુજરાત મળીને 10થી વધુ જિલ્લાઓ તથા કેન્દ્ર શાસિત પ્રદેશો માટે ઓરેન્જ એલર્ટ આપવામાં આવ્યું છે.
છોટા ઉદેપુર જિલ્લામાં વહેલી સવારથી અવિરત અને ધોધમાર વરસાદ આવી રહ્યો છે. ખાસ કરીને બોડેલી તાલુકામાં વહેલી સવારે 4 વાગ્યાથી જ ધમધોકાર વરસાદ વરસી રહ્યો છે. જેના કારણે કેટલાંક નીચાણવાળા વિસ્તારોમાં વરસાદી પાણી ભરાઇ ગયા છે. અહીં 2 કલાકમાં જ 4 ઇંચ વરસાદ આવી ચુક્યો છે. બોડેલીના મેઇન બજારમાં સ્થિત અમન પાર્ક વિસ્તારમાં મેઘ રાજા મન મૂકીને વરસ્યા છે, જેના કારણે સમગ્ર વિસ્તાર પાણીમાં ગરકાવ થઇ ગયો છે. ભારે વરસાદના કારણે અહીં ઘૂંટણસમા પાણી ભરાઇ ગયા છે.
છોટા ઉદેપુરના મેઇન બજારમાં ભારે વરસાદ પડતા ચારે તરફ પાણી જ પાણી જોવા મળી રહ્યું છે. જાણે કે કોઇ નદી વહેતી હોય તેવા દ્રશ્યો જોવા મળી રહ્યાં હતા. જો આવી રીતે જ અવિરત વરસાદ વરસશે તો દુકાનોમાં વરસાદી પાણી ભરાઇ જવાથી ભારે નુકસાન થવાની ભીતિ સેવાઇ રહી છે. બોડેલીમાં વરસાદી પાણીના નિકાલ માટે કોઇ ખાસ વ્યવસ્થા ના હોવાથી લોકોને ચિંતા સતાવી રહી છે કે ક્યાંય વરસાદી પાણી તેમના ઘરોમાં ના ઘૂસી જાય.
વડોદરામાં દશામા મહોત્સવ દરમિયાન દુર્ઘટના : મહી નદીમાં મૂર્તિઓનું વિસર્જન કરતી વખતે 5 યુવકો ડૂબી જવાથી મોત
અમદાવાદમા તથ્ય પટેલ જેવો વધુ એક અકસ્માત! નબીરાએ BMW થી સર્જ્યો અકસ્માત
ચોમાસુ આવતાંની સાથે જ આ વિસ્તારના લોકોની હાલત કફોડી બની જાય છે. ચોમાસામાં દર વર્ષે આ વિસ્તારમાં આ સમસ્યા સર્જાય છે, જેના લીધે લોકોને હાલાકીનો સામનો કરવો પડે છે. વરસાદી પાણીના નિકાલની કોઇ વ્યવસ્થા ન હોવાથી અહીંના લોકોની સ્થિતિ કફોળી બની છે.