સોનાએ આજે ફરીથી ભૂક્કા કાઢ્યાં! એક તોલું લેવામાં ભીંસ પડશે, તોતિંગ વધારા સાથે આટલા હજારે પહોંચ્યો ભાવ

Gold price Today: ભવિષ્યમાં સોના-ચાંદીના ભાવમાં વધારો જોવા મળી રહ્યો છે. બંનેના વાયદાના ભાવ આજે જોરદાર ખુલ્યા હતા. સોનાના વાયદાના ભાવ રૂ. 63,100ની આસપાસ અને ચાંદીના વાયદાના ભાવ રૂ. 75,600ની આસપાસ ટ્રેડ થઈ રહ્યા છે. ઈન્ટરનેશનલ માર્કેટમાં સોના અને ચાંદીના વાયદાના ભાવ નરમ શરૂ થયા હતા પરંતુ બાદમાં તેમના ભાવ વધવા લાગ્યા હતા. આજે અમદાવાદમાં સોનાના ભાવ 24 કેરેટના 65,240 બોલાઈ રહ્યાં છે.

સોનાના વાયદાના ભાવમાં વધારો

સોનાના વાયદાના ભાવમાં આજે ઉછાળા સાથે શરૂઆત થઈ હતી. મલ્ટી કોમોડિટી એક્સચેન્જ (MCX) પર સોનાનો બેન્ચમાર્ક ફેબ્રુઆરી કોન્ટ્રાક્ટ આજે રૂ. 195ના વધારા સાથે રૂ. 63,149 પર ખૂલ્યો હતો. આ સમયે તે દિવસની ટોચે રૂ. 63,155 અને દિવસની નીચી સપાટી રૂ. 63,100 પર પહોંચ્યો હતો. આ મહિને સોનાના વાયદાના ભાવ રૂ. 64,063ની સર્વોચ્ચ સપાટીએ પહોંચી ગયા હતા.

ચાંદી પણ ચમકી

ચાંદીના વાયદાના ભાવમાં પણ ઉછાળા સાથે શરૂઆત થઈ હતી. MCX પર ચાંદીનો બેન્ચમાર્ક માર્ચ કોન્ટ્રાક્ટ આજે રૂ. 262ના વધારા સાથે રૂ. 75,648 પર ખૂલ્યો હતો. આ સમયે તે દિવસની ઊંચી સપાટીએ રૂ. 75,649 અને દિવસની નીચી સપાટી રૂ. 75,580 પ્રતિ કિલોએ પહોંચ્યો હતો. આ મહિને ચાંદીનો ભાવ 78,549 રૂપિયા પ્રતિ કિલોએ પહોંચ્યો હતો.

મુખ્યમંત્રી ભુપેન્દ્ર પટેલ પણ છે “ચા”ના જબરા શોકીન, કચ્છમાં સામાન્ય નાગરિક જેમ ચાની લિજ્જત માણી

Ahmedabad: સરખેજમાં કપિરાજે 25 લોકોને બચકા ભર્યા, વનવિભાગને જાણ હોવા છતાં પણ અજાણ

રાહુલ ગાંધીએ પદ્મશ્રી એવોર્ડ પરત કરનાર પહેલવાન બજરંગ પુનિયા સાથે કરી મુલાકાત, પહેલવાનોની જાણી સમસ્યાઓ

આંતરરાષ્ટ્રીય બજારમાં સોનું અને ચાંદી

આંતરરાષ્ટ્રીય બજારમાં સોના અને ચાંદીના વાયદાના ભાવ નબળાઈ સાથે શરૂ થયા હતા પરંતુ બાદમાં તેમની કિંમતોમાં સુધારો જોવા મળ્યો હતો. કોમેક્સ પર સોનું $2,066 પ્રતિ ઔંસ પર ખુલ્યું. અગાઉની બંધ કિંમત $2,069.10 હતી. કોમેક્સ પર ચાંદીનો વાયદો $24.49 પર ખૂલ્યો, જે અગાઉનો બંધ ભાવ $24.56 હતો. સમાચાર લખવાના સમયે, તે $0.11 ના વધારા સાથે $24.68 પ્રતિ ઔંસ પર ટ્રેડ કરી રહ્યો હતો.