માનવામાં ન આવે તેવો એક કિસ્સો બન્યો છે રાજકોટના ઉપલેટાના કોલકી ગામે… કોલકી ગામમાં હાલારી ગધેડીની રંગેચંગે સીમંત વિધિ યોજાઈ હતી. જેમાં ગધેડીને સોળે શણગાર કરવામાં આવ્યો હતો. દેશમાં સૌપ્રથમ વખત રીતિ રિવાજ મુજબ ગધેડીની સીમંત વિધિમાં પૂજાવિધિ કરવામાં આવી હતી. ગધેડીના શરીર પર રંગબેરંગી કલરથી પટ્ટા દોરવામાં આવ્યા હતા. તેમજ ગધેડીને ચુંદડી પણ પહેરાવવામાં આવી હતી. આ અનોખો પ્રાણીપ્રેમ ઉપલેટા પંથકમાં ચર્ચાનો વિષય બન્યો છે.
ઉલ્લેખનીય છે કે, સૌરાષ્ટ્રના હાલારી ગધેડાને રાષ્ટ્રીય માન્યતા પણ મળી છે. હાલમાં હાલારી ગધેડાની સંખ્યા 439 જ રહી છે. હાલારી ગધેડાના સંરક્ષણ માટે ભુજની સહજીવન સંસ્થા દ્વારા સીમંત વિધિનો કાર્યક્રમ યોજાયો હતો.
હાલારી ગધેડાને બચાવવા માટે ગર્ભવતી ગધેડીની સીમંત સંસ્કારની વિધિ કરવામાં આવી હતી. આ અનોખો પ્રાણીપ્રેમ ગુજરાતમાં લગભગ સૌપ્રથમ ગણી શકાય. હાલારી ગધેડીની સીમંત વિધિ પ્રસંગમાં મંડપો બાંધવામાં આવ્યા હતા. તેમજ મહિલાઓએ સીમંત વિધિના રૂડા ગીતો ગાયા હતા. ગધેડીની સીમંત વિધિમાં મહિલાઓની સાથોસાથ પુરૂષો પણ મોટી સંખ્યામાં જોડાયા હતા.