સુરતમા આમ આદમી પાર્ટીના કોર્પોરેટરો પર ગંભીર આરોપ લાગ્યા છે. આ સમગ્ર મામલો મહાનગરપાલિકાના બજેટ સભામાં સામે આવ્યો છે. આપમાંથી ભાજપમાં જોડાયેલા મહિલા કોર્પોરેટર રૂતા ખેનીએ આ મામલે ખુલાસા કર્યા છે. આ તમામ આરોપો આપના કોર્પોરેટર મહેશ અણઘણ, કનું ગેડિયા અને સોનલ સુહાગિયાના પતિ સંજય સુહાગિયા પર લગાવવામા આવ્યા છે. આરોપ છે કે આપના આ કોર્પોરેટર તોડ કરે છે. સુરત મહાનગરપાલિકાના બજેટના દિવસો ચાલી રહ્યા છે અને આ દરમિયાન જ મહિલા કોર્પોરેટર રૂતા ખેનીએ વોર્ડ નંબર ત્રણના કોર્પોરેટરો પર ભ્રષ્ટાચારનો આરોપ લગાવ્યો છે.
રૂતા ખેનીએ સુરતમા AAPના કોર્પોરેટરો પર આરોપ લગાવ્યા
તેણે કહ્યુ છે કે આપના કોર્પોરેટર સુડા અને SMCના કામોમાં પહોંચી જઇ કોન્ટ્રાક્ટરનું નાક દબાવી તોડ પાડે છે. આ સાથે પાલિકાના અધિકારીઓને દબાવે પણ છે. જો કે આ સમગ્ર મામલે આમ આદમી પાર્ટીના કોર્પોરેટર મહેશે કહ્યુ છે કે આ દાવા ખોટા છે. આક્ષેપો કરવા એ ભાજપનું કામ છે. આજ બહેનોએ ઘણા દિવસ પહેલા ભાજપ તરફથી તેમને ત્રણ કરોડ રૂપિયાની ઓફર આવવાના આક્ષેપ પણ કર્યા હતા.
કોન્ટ્રાક્ટરનું નાક દબાવી તોડ પાડે છે
જ્યારે કોઈ વ્યક્તિની પક્ષની લોકપ્રિયતા વધતી હોય છે ત્યારે એ ખૂંચતું હોય એ બહેન જે આક્ષેપ કરી રહ્યા છે તેમા પણ આવુ જ છે. એ મારા વોર્ડના સાથી કોર્પોરેટર એક સમયે હતા અને આજે એ ભાજપમાં ગયા છે. મારી લોકપ્રિયતા વધતા એમને તકલીફ થઈ છે જેથી આ આક્ષેપો કરી રહ્યા છે
મારી લોકપ્રિયતા વધતા એમને તકલીફ થઈ છે
આ સાથે મહેશ અણઘને કહ્યુ કે હું PDWનો મેમ્બર છું. મારી ફરજ છે કે મારા વિસ્તારની અંદર કે શહેરની અંદર કોઈપણ રીતે ટેકનીકલ વિકાસના કામો ચાલતા હોય એમાં ટેકનિકલ સેતુઓ છે કે નહીં એ મારી ફરજ છે. ફરજના ભાગરૂપે જ્યારે જે તે જગ્યા ઉપર જાવ છુ, ચકાસણી કરુ છુ અને જરૂર જણાય ત્યા અધિકારીઓ, કમિશનરનું ધ્યાન દોરીએ છીએ.
5 રાશિને કરોડપતિ બનતા કોઈ નહીં રોકી શકે, શનિ અને સુર્ય એવો કમાલ કરશે કે તમને બધા સલામી મારશે
એક દાખલો આપતા તેમણે કહ્યુ કે હમણાં જ આઉટ ઓફ રીંગ રોડ બની રહ્યો છે. આજની તારીખમાં એમાં તિરાડો પડે છે. આ બાબતે મેં સંપૂર્ણ માહિતી કમિશનર આપી છે. આ કામ એસએમસીના વિજિલન્સના અધિકારીનો સોંપેલ છે. એમને પણ રૂબરૂ સ્થળ પર જઈને વિઝીટ કરવા કહ્યું છે. આ સાથે આમ આદમી પાર્ટીના કોર્પોરેટર સુરત મહાનગરપાલિકાના વિરોધ પક્ષ નેતા ધર્મેશ ભંડેરીએ રૂતા ખેનીના આરોપોને ખોટા ગણાવ્યા છે. તેમણે જણાવ્યું છે કે કોઈપણ વ્યક્તિ આમ આદમી પાર્ટીના નામે તોડ કરતું હોય આમ આદમી પાર્ટી ખૂલેથી કહીએ છીએ કે અમે અહીં બેઠા છે. આ તમામ વાતો આમ આદમી પાર્ટીને બદનામ કરવા થઈ રહી છે, પાયાણી વિહોણી વાતો છે.