ખેડા જિલ્લાના માતર તાલુકામાં આવેલા એક ગામમાં દિલ દહેલાવી નાખનારી ઘટના બની હોવાની જાણકારી સામે આવી છે. અહીં એક ૨૦ વર્ષીય યુવતી પર આરોપ છે કે તેણે નવજાત બાળકને જન્મની ગણતરીની મિનિટો પછી જ શૌચાલયમાં પાણીની ડોલમાં ડૂબાડીને તેની હત્યા કરી નાખી છે. ઉલ્લેખનીય છે કે આ કાળજુ કંપાવનારી ઘટના બુધવારના રોજ વસોમાં કમ્યુનિટી હેલ્થ સેન્ટર(સીએચસી)માં બની હતી.
પ્રાથમિક જાણકારી અનુસાર એવી શંકા વ્યક્ત કરવામાં આવે છે કે નવપરિણિત યુવતીએ લગ્ન બહારના સંબંધોને કારણે ગર્ભધારણ કર્યુ હતું અને પતિને સમગ્ર બાબતની જાણ ના થાય તે માટે આ ઘટનાને અંજામ આપ્યો હશે. વાસો પોલીસના જણાવ્યા અનુસાર, આરોપી યુવતી મનિષા શિહોની ગામમાં રહે છે. તેના લગ્ન ખેડાના પિજ ગામમાં આવેલા સુનિલ છુનારા સાથે શનિવારના રોજ થયા હતા. બુધવારના રોજ તેણે પોતાના પતિને કહ્યું કે, તે ગાયનેકોલોજીકલ સમસ્યાને કારણે કમ્યુનિટી હેલ્થ સેન્ટર પર ડોક્ટરને બતાવવા માટે જઈ રહી છે. લગભગ સવા દસ વાગ્યે તે સેન્ટર પર પહોંચી હતી.
આ ઘટનાની તપાસ કરનાર અધિકારી અને વાસોના પીએસઆઈ એચ.જે.રાઠોડ જણાવે છે કે, તે જેવી કમ્યુનિટી હેલ્થ સેન્ટર પહોંચી તરત જ શૌચાલય પહોંચી હતી અને કોઈની મદદ વિના જ બાળકને જન્મ આપ્યો હતો. જ્યારે બાળકે રડવાની શરુઆત કરી તો તેણે પોતાના હાથથી તેનું મોઢું દબાવ્યું અને પાણીની ડોલમાં તેને ડૂબાડી દીધું. તરત જ તે ત્યાંથી નીકળી ગઈ અને પતિના ઘરે પહોંચી ગઈ. લગભગ ૧૨.૩૦ વાગ્યે હોસ્પિટલના સફાઈ કર્મચારીએ જાેયું કે શૌચાલયની પાણીની ડોલમાં એક નવજાત બાળક મૃત અવસ્થામાં પડ્યું છે.
તેણે હોસ્પિટલને સ્ટાફને ઘટના જણાવી અને પોલીસને પણ બોલાવી. પીએસઆઈ રાઠોડ જણાવે છે કે, અમે ઘટનાસ્થળે પહોંચ્યા ત્યારે ખબર પડી કે નવજાતનું નિધન થઈ ગયું છે. મૃતદેહને પોસ્ટમોર્ટમ માટે મોકલી દેવામાં આવ્યો છે. હોસ્પિટલ સ્ટાફે પોલીસને જણાવ્યું કે બુધવારે સવારે ચાર મહિલાઓ ચેકઅપ માટે કેન્દ્ર પર આવી હતી, પરંતુ તેમાંથી એક ડોક્ટરની મુલાકાત લીધા વગર અને કોઈ પણ પ્રકારનું ચેકઅપ કરાવ્યા વગર નીકળી ગઈ હતી.
હેન્થ સેન્ટર પર રજિસ્ટર કરવામાં આવેલી માહિતીને આધારે પોલીસ પીજ પહોંચી અને ખબર પડી કે, આરોપી યુવતીએ ગત શનિવારના રોજ જ ગામના એક યુવક સાથે લગ્ન કર્યા હતા. પોલીસ ગુરુવારના રોજ જ્યારે આરોપી મહિલાના ઘરે પહોંચી ત્યારે ખબર પડી કે, સુપરવિઝન વિના અને તબીબોની સહાય વિના જાતે જ ડિલિવરી કરી હોવાને કારણે આરોપીની તબિયત સતત લથડી હતી.
સ્વાસ્થ્યની સ્થિતિને ધ્યાનમાં રાખીને તેને હોસ્પિટલમાં દાખલ કરવામાં આવી છે. અમે રાહ જાેઈ રહ્યા છીએ કે તે રિકવર થાય, જેથી અમે સ્ટેટમેન્ટ રેકોર્ડ કરી શકીએ અને જાણી શકીએ કે તેણે બાળકની કેમ હત્યા કરી.પ્રાથમિક જાણકારી અનુસાર પોલીસને શંકા છે કે આ બાળક યુવતીના કથિત પ્રેમીનું હોઈ શકે છે. પોલીસ જણાવે છે કે, અમને એ નથી સમજાતું કે તેના પતિને ખબર કેવી રીતે ના પડી કે તેની પત્ની ગર્ભવતી છે. અમે રાહ જાેઈ રહ્યા છીએ કે તે રિકવર થાય અને તપાસ આગળ વધારી શકાય. અમે નવજાત બાળકના અને માતાના ડીએનએ સેમ્પલ લઈ લીધા છે.