Business News: માઈક્રોસોફ્ટના સ્થાપક અને પરોપકારી બિલ ગેટ્સ મોટા બિઝનેસ સિવાય તેમની અનોખી શૈલી માટે જાણીતા છે. હાલમાં તે પોતાની ભારત મુલાકાતને કારણે ચર્ચામાં છે. હાલમાં જ બિલ ગેટ્સનો નાગપુરની પ્રખ્યાત ડોલી ચાયવાલા સાથેનો એક વીડિયો વાયરલ થયો છે. બિલ ગેટ્સની આ ખાસ સ્ટાઈલ લોકોને ખૂબ જ પસંદ આવી રહી છે.
બિલ ગેટ્સે આ વીડિયો શેર કર્યો છે
બિલ ગેટ્સ વિશ્વના સૌથી અમીર લોકોમાંના એક છે અને તેઓ તેમના સામાજિક સેવાના કાર્યો માટે અવારનવાર સમાચારમાં રહે છે. ડોલી ચાયવાલા સાથેનો વીડિયો તેના ઓફિશિયલ ઈન્સ્ટાગ્રામ હેન્ડલ પર શેર કરતી વખતે તેણે ભારતના વખાણ કર્યા છે. બિલ ગેટ્સ અનુસાર ભારતમાં તમને દરેક જગ્યાએ નવીનતા જોવા મળે છે અને તે ચાના કપમાં પણ દેખાય છે. આ વીડિયોમાં બિલ ગેટ્સ ડોલી ચાયવાલા પાસેથી ચાની મજા લેતા જોવા મળી રહ્યા છે.
View this post on Instagram
બિલ ગેટ્સે કહ્યું- ‘કૃપા કરીને મને ચા આપો’
બિલ ગેટ્સે તાજેતરમાં જ સોશિયલ મીડિયા પર ખૂબ જ પ્રખ્યાત ડોલી ચાયવાલાની દુકાનમાં ચા પીવા ગયા હતા. તેણે ખાસ રીતે ‘વન ટી પ્લીઝ’ કહીને ડોલી ચાયવાલાને ચાનો ઓર્ડર આપ્યો. આ વિડીયોમાં બંને વાતો કરતા પણ જોઈ શકાય છે. ચાનો ઓર્ડર મળ્યા બાદ ડોલીએ પોતાની ખાસ સ્ટાઈલમાં ચા તૈયાર કરી અને બિલ ગેટ્સને પણ આ ચા ખૂબ પસંદ પડી. આ વીડિયો સોશિયલ મીડિયા પર વાયરલ થયો છે. સામાન્ય લોકોની જેમ ચાની મજા માણતા અબજોપતિ બિઝનેસમેનને લોકો પસંદ કરી રહ્યા છે.
જાણી લેજો: 1 માર્ચથી ફાસ્ટેગથી GST સુધીના નિયમો બદલાશે, તમારા ખિસ્સા પર પડશે સીધી અસર
કોણ છે ડોલી ડાયવાલા?
પીટીઆઈના સમાચાર મુજબ, ડોલી ચાયવાલાની નાગપુરના સદર વિસ્તારમાં વીસીએ સ્ટેડિયમ પાસે ચાની દુકાન છે. ડોલી ચાયવાલા સોશિયલ મીડિયા સેલિબ્રિટી છે. નાગપુરમાં આ પ્રખ્યાત ચા વેચનારની દુકાન પર લોકો દૂર-દૂરથી ચા પીવા આવે છે. પોતાની ચાની સાથે ડોલી તેની ખાસ સ્ટાઈલ માટે પણ જાણીતો છે.