અરવિંદ કેજરીવાલના ઘર પર જે માણસે હુમલો કર્યો હતો તેને ભાજપે આપી ટિકિટ, હવે AAPએ BJPને ચુખ્ખુ જ કહી દીધુ કે…

Lok Patrika
Lok Patrika
1 Min Read
Share this Article

દિલ્હીમાં MCD ચૂંટણીની તૈયારીમાં તમામ પક્ષો વ્યસ્ત છે. ભાજપ જીતવા માટે તમામ પ્રકારના દાવ અજમાવી રહી છે. દિલ્હીના મુખ્યમંત્રી અરવિંદ કેજરીવાલના ઘર પર હુમલો કરનાર વ્યક્તિને ભાજપે MCD ચૂંટણીમાં ટિકિટ આપી છે. આરોપીનું નામ પ્રદીપ તિવારી છે. માર્ચ 2022માં પ્રદીપની સીએમ કેજરીવાલના આવાસની બહાર તોડફોડ કરવા બદલ ધરપકડ કરવામાં આવી હતી.

પ્રદીપ તિવારી એ ભાજપ યુવા મોરચાના 8 કાર્યકરોમાંના એક છે જેમની સીએમ કેજરીવાલના સિવિલ લાઇન્સના ઘરની બહાર ગેટ અને સીસીટીવી કેમેરામાં તોડફોડ કરવા બદલ ધરપકડ કરવામાં આવી હતી. અરવિંદ કેજરીવાલે ફિલ્મ ‘કાશ્મીર ફાઇલ્સ’ વિરુદ્ધ ટિપ્પણી કરી હતી. આ પછી ભાજપ યુવા મોરચાના નેતા તેજસ્વી સૂર્યાની આગેવાનીમાં વિરોધ પ્રદર્શન કરવામાં આવ્યું હતું. વિરોધ દરમિયાન સીએમ આવાસની બહાર તોડફોડ કરવામાં આવી હતી.

પ્રદીપ તિવારીને ટિકિટ આપવા પર આમ આદમી પાર્ટીએ આકરી પ્રતિક્રિયા આપી છે. પાર્ટીએ કહ્યું કે હવે તે સ્પષ્ટ થઈ ગયું છે કે ભાજપ ગુંડાઓ પેદા કરે છે અને ગુંડાગીરી માટે તેમનું સન્માન કરે છે. આ સાથે જ પ્રદીપ તિવારીએ ચૂંટણી પ્રચાર દરમિયાન કહ્યું હતું કે આગામી સમયમાં પણ હિન્દુ સમાજ માટે વિરોધ અને લડાઈ ચાલુ રહેશે. સમાજ સામે જ્યાં પણ ખોટું થશે ત્યાં પ્રદીપ તિવારી જનતાની સાથે ઉભા જોવા મળશે.


Share this Article
TAGGED: , ,