કેન્દ્રીય મંત્રી નીતિન ગડકરીએ કેશલેસ ટ્રીટમેન્ટ સ્કીમની જાહેરાત કરી છે. તેમણે એમ પણ કહ્યું કે, જો અકસ્માતના 24 કલાકમાં પોલીસને જાણ કરવામાં આવે તો સરકાર 1.5 લાખ રૂપિયા સુધીની સારવારનો સંપૂર્ણ ખર્ચ ઉઠાવશે. આ યોજના કોઈપણ કેટેગરીના રસ્તા પર મોટર વાહનોને કારણે થતાં તમામ માર્ગ અકસ્માતો પર લાગુ પડશે. હિટ એન્ડ રનના કિસ્સામાં પીડિત પરિવારોને 2 લાખ રૂપિયા સુધીનું વળતર આપવામાં આવશે.
કેશલેસ ટ્રીટમેન્ટ સ્કીમની જાહેરાત
નેશનલ હેલ્થ ઓથોરિટી (એનએચએ) પોલીસ, હોસ્પિટલો અને રાજ્યની આરોગ્ય એજન્સીઓ વગેરે સાથે સંકલન કરીને આ કાર્યક્રમ માટે અમલીકરણ એજન્સી હશે. આ કાર્યક્રમનો અમલ આઇટી પ્લેટફોર્મ મારફતે થશે, જેમાં એનએચએનાં માર્ગ પરિવહન અને રાજમાર્ગ મંત્રાલય તથા ટ્રાન્ઝેક્શન મેનેજમેન્ટ સિસ્ટમનાં ઇ-વિસ્તૃત અકસ્માત અહેવાલ (ઇડીએઆર) એપ્લિકેશનની કામગીરીને જોડવામાં આવશે.
)
1.5 લાખ સુધીની ‘કેશલેસ’ સારવાર મળશે
મીડિયાને સંબોધિત કરતા ગડકરીએ કહ્યું કે, પાયલટ પ્રોગ્રામના વ્યાપક માળખા અનુસાર પીડિત અકસ્માતની તારીખથી વધુમાં વધુ સાત દિવસની અંદર વ્યક્તિ દીઠ વધુમાં વધુ 1.5 લાખ રૂપિયા સુધીની કેશલેસ સારવાર માટે હકદાર છે. સરકાર આ વર્ષે માર્ચ સુધીમાં સુધારેલી યોજના લઈને આવશે.
અકસ્માતનો ભોગ બનેલા લોકો માટે સરકારનું મોટું પગલું
માર્ગ પરિવહન અને રાજમાર્ગ મંત્રાલયે 14 માર્ચ, 2024 ના રોજ માર્ગ અકસ્માતનો ભોગ બનેલા લોકોને કેશલેસ સારવાર આપવા માટે એક પાયલોટ પ્રોગ્રામ શરૂ કર્યો હતો. ચંદીગઢમાં શરૂ કરાયેલા પાયલોટ પ્રોગ્રામનો હેતુ માર્ગ અકસ્માતનો ભોગ બનેલા લોકોને સમયસર તબીબી સંભાળ પૂરી પાડવા માટે ઇકોસિસ્ટમ બનાવવાનો હતો.
18 વર્ષની બાળકી 540 ફૂટ ઊંડા બોરવેલમાં પડી, 490 ફૂટ પર ફસાઈ, બચાવ ચાલુ
ગૌતમ અદાણીએ એક નવી કંપની બનાવી, નામ- VPL… જાણો શું છે થાઈલેન્ડ કનેક્શન
ડ્રાઇવરો માટે કામના કલાકો ફિક્સ કરવાનું ધ્યાનમાં લેવું
ગડકરીએ એમ પણ કહ્યું હતું કે સરકાર પાઇલટ્સની તર્જ પર વ્યાપારી ડ્રાઇવરો માટે કામના કલાકો નક્કી કરવાની નીતિ ઘડવા માટે મજૂર કાયદાઓનો અભ્યાસ કરી રહી છે, કારણ કે ડ્રાઇવરોના થાકને કારણે જીવલેણ માર્ગ અકસ્માતો થાય છે. તેમણે એમ પણ કહ્યું હતું કે દેશમાં 22 લાખ ડ્રાઇવરોની અછત છે.