આજે બપોરે દિલ્હીના કેટલાક ભાગોમાં કરા પડ્યા હતા જ્યારે વિવિધ વિસ્તારોમાં વરસાદને કારણે ગરમીથી થોડી રાહત મળી હતી. રોહિણી, પિતામપુરા અને પશ્ચિમ વિહારના રહેવાસીઓએ બપોરે 2 વાગ્યાની આસપાસ કરા અને ભારે પવન સાથે વરસાદ ખાબક્યો હતો. વહેલી સવારે ભારતીય હવામાન વિભાગ (IMD) એ રાજધાની દિલ્હીમાં 50 કિમીની ઝડપે પવનની ઝડપ સાથે ધૂળના તોફાન, વાવાઝોડા અથવા કરા અંગે ‘યલો એલર્ટ’ જારી કરી હતી. બાદમાં આ ચેતવણીને ‘ઓરેન્જ’ કેટેગરીમાં બદલવામાં આવી હતી.
દિલ્હીના બેઝ સ્ટેશન સફદરજંગ ઓબ્ઝર્વેટરી ખાતે મહત્તમ તાપમાન 38 ડિગ્રી સેલ્સિયસની આસપાસ રહેવાની શક્યતા છે. લઘુત્તમ તાપમાન 28.8 ડિગ્રી સેલ્સિયસ નોંધાયું હતું, જે આ વર્ષે સામાન્ય તાપમાન કરતાં ચાર ડિગ્રી વધુ હતું. IMD એ જણાવ્યું હતું કે ઉત્તર પશ્ચિમ ભારતને અસર કરતા પશ્ચિમી વિક્ષેપના પરિણામે, આગામી ત્રણ દિવસ રાજધાનીમાં વાદળછાયું આકાશ રહેવાની આગાહી કરવામાં આવી છે.
ગઈકાલે એવું જાણવા મળ્યું હતું કે રાષ્ટ્રીય રાજધાની દિલ્હીમાં મંગળવારે મહત્તમ તાપમાન 38.4 ડિગ્રી સેલ્સિયસ નોંધાયું હતું. જ્યારે હવામાન વિભાગે 4 મેના રોજ ધૂળની ડમરીઓ અથવા તોફાનની આગાહી કરી હતી. ભારતીય હવામાન વિભાગ (IMD) અનુસાર, સાંજે હવામાં ભેજનું સ્તર 43 ટકા નોંધાયું હતું.
હવામાન વિભાગના જણાવ્યા અનુસાર, મંગળવારે મહત્તમ તાપમાન 38.4 ડિગ્રી સેલ્સિયસ નોંધાયું હતું, જે 4 મેના રોજ ગાજવીજ અને વીજળીના ચમકારા સાથે આંશિક વાદળછાયું રહેવાની સંભાવના છે. મંગળવારે લઘુત્તમ તાપમાન 28.5 ડિગ્રી સેલ્સિયસ નોંધાયું હતું. સોમવારે રાષ્ટ્રીય રાજધાનીમાં લઘુત્તમ તાપમાન 27.4 ડિગ્રી સેલ્સિયસ નોંધાયું હતું, જે સામાન્ય કરતાં ત્રણ ડિગ્રી વધારે હતું, જ્યારે મહત્તમ તાપમાન 40.8 ડિગ્રી સેલ્સિયસ નોંધાયું હતું, જે વર્ષના આ સમય માટે સામાન્ય કરતાં બે ડિગ્રી વધારે હતું.