ઉત્તર પ્રદેશના કાનપુરમાં કાલિંદી એક્સપ્રેસને લઈને એક મોટા ષડયંત્રનો પર્દાફાશ થયો છે. અહીં મુંધેરી ક્રોસિંગ પાસે રેલવે ટ્રેકની વચ્ચે ગેસ સિલિન્ડર રાખવામાં આવ્યો હતો, જે સામેથી આવતી કાલિંદી એક્સપ્રેસ સાથે અથડાયો હતો. અથડામણ બાદ ગેસ સિલિન્ડર ઉછળીને દૂર પડ્યો હતો, સદનસીબે આ સિલિન્ડર ફાટ્યો ન હતો અને મોટી દુર્ઘટના ટળી હતી. આ ઘટના પ્રકાશમાં આવ્યા બાદ એવો હલચલ મચી ગઈ છે કે શું આ ટ્રેનને ઉડાવી દેવાનું કે પલટી મરાવી દેવાનું કાવતરું હતું?
સમાચાર અનુસાર, કાલિંદી એક્સપ્રેસ ટ્રેન કાનપુર સેન્ટ્રલથી માત્ર 30 કિલોમીટર દૂર શિવરાજપુર વિસ્તારના રેલ્વે ટ્રેક પર પ્રયાગરાજથી ભિવાની જઈ રહી હતી. આ દરમિયાન રાત્રે 8.30 વાગ્યે પાયલટે પાટા પર એક LPG સિલિન્ડર જોયો. ખતરાની જાણ થતાં લોકો પાયલટે ઇમરજન્સી બ્રેક લગાવી અને પછી ટ્રેન સિલિન્ડર સાથે અથડાઈ અને બીજી બાજુ પડી. આ સમગ્ર ઘટનાને કાલિંદી એક્સપ્રેસને ઉડાવી દેવાના કાવતરા તરીકે જોવામાં આવી રહી છે.
STORY | Attempt made to derail Kalindi Express by placing LPG cylinder on tracks in Kanpur: Police
READ: https://t.co/sp3WPMuZIw
VIDEO: “We received the information from railway authorities. The train was heading towards Bhiwani from Prayagraj when the driver saw the cylinder… pic.twitter.com/nLJtQm3ri2
— Press Trust of India (@PTI_News) September 9, 2024
ઘટના સ્થળેથી વાંધાજનક વસ્તુઓ મળી આવી
તપાસ દરમિયાન એક એલપીજી ગેસ સિલિન્ડર સાથે કાચની બોટલ જેમાં જ્વલનશીલ પદાર્થ (સંભવતઃ પેટ્રોલ) અને સફેદ રંગનું કેમિકલ રેલવે ટ્રેકની વચ્ચે મળી આવ્યું હતું. આ સાથે સ્થળ પરથી માચીસની પેટી પણ મળી આવી છે. સદ્ભાગ્યની વાત એ હતી કે ટ્રેનની સ્પીડ ઓછી હોવાને કારણે સિલિન્ડર પાટા પરથી પડી ગયો અને ફાટ્યો નહીં. જો આવું થયું હોત તો રેલ્વે ટ્રેક ધડાકા સાથે ઉડી ગયો હોત અને ટ્રેનના એન્જીનના ટુકડા થઈ ગયા હોત.
લોકો પાયલોટની બુદ્ધિમત્તાને કારણે મોટી દુર્ઘટના ટળી હતી. આ ઘટના અંગે જોઈન્ટ પોલીસ કમિશનર લો એન્ડ ઓર્ડર હરીશ ચંદ્રાએ જણાવ્યું હતું કે રેલ્વે ઓથોરિટી દ્વારા સવારે 3:30 વાગ્યે જાણ કરવામાં આવી હતી કે પ્રયાગરાજથી ભિવાની જતી એક ટ્રેન આ રૂટ પરથી પસાર થઈ રહી હતી, ત્યારે લોક પાયલોટે નિયંત્રણ ગુમાવ્યું હતું. પરંતુ સિલિન્ડર દેખાઈ ગયો અને તેણે ઈમરજન્સી બ્રેક લગાવી, જેના કારણે સિલિન્ડર અથડાઈને બાજુ પર પડ્યો. જે બાદ ટ્રેન લાંબા સમય સુધી રોકાઈ હતી.
જો તમારે 32 દાંત હોય તો રાજાની જેમ મળશે ત્રણેય લોકના સુખ! જાણો 28, 29 અને 30 વાળાનું શું થાય?
તમામ વરિષ્ઠ અધિકારીઓ અને ફોરેન્સિક ટીમ ઘટનાસ્થળે હાજર છે. ક્ષતિગ્રસ્ત સિલિન્ડર મળી આવ્યું છે અને અન્ય કેટલીક વાંધાજનક વસ્તુઓ મળી આવી છે, તમામની સમીક્ષા કરવામાં આવી રહી છે. પોલીસ આ ઘટનાની આતંકવાદી એંગલથી તપાસ કરી રહી છે.