રિલાયન્સ ઈન્ડસ્ટ્રીઝ લિમિટેડ હવે સેન્ડવીચ અને ફ્રેશ કોફી પણ વેચશે. રિલાયન્સ બ્રાન્ડ્સ દ્વારા ગ્લોબલ ફ્રેશ ફૂડ એન્ડ ઓર્ગેનિક કોફી ચેઇન પ્રેટ એ મેંગર સાથે વ્યૂહાત્મક ભાગીદારીની જાહેરાત કરવામાં આવી છે. પ્રેટ એ મેંગરની શરુઆત 1986માં લંડનમાં થઇ હતી. આ અંગે કંપની દ્વારા એક નિવેદનમાં જણાવ્યા મુજબ આ લાંબા ગાળાની માસ્ટર ફ્રેન્ચાઇઝી ભાગીદારી સાથે રિલાયન્સ બ્રાન્ડસ લિમિટેડ દ્વારા મોટા શહેરો અને ટ્રાવેલ હબ્સથી શરૂ કરીને દેશભરમાં ફૂડ ચેઇન તબક્કાવાર શરૂ કરવામાં આવશે.
આ અંગે રિલાયન્સ બ્રાન્ડ્સ લિમિટેડના એમડી દર્શન મહેતાએ જણાવ્યું હતું કે,ભારતમાં ફૂડ એન્ડ બેવરેજીસ ઉદ્યોગ અને પ્રેટ પ્રિટ બ્રાન્ડનાં વિકાસની ઘણી શકયતા છે તેથી અમે તેની સાથે ભાગીદારી કરી છે. વિશ્વના અન્ય લોકોની જેમ ભારતીયો પણ ફ્રેશ અને ઓર્ગેનિક ખાવાની ચીજો પસંદ કરે છે.પ્રેટ બ્રાન્ડ એ સફળતાની રેસિપી છે.