હવે મુકેશ અંબાણી આપી રહ્યા છે પેટ્રોલ પંપ ડીલર બનવાનો ચાન્સ, આ રીતે ભરી શકાશે ફોર્મ

જો તમે પેટ્રોલ પંપ ડીલર બનવાનું વિચારી રહ્યા છો અથવા તેમાં બિઝનેસ કરવા માંગો છો, તો તમારી પાસે એક સુવર્ણ તક છે. મુકેશ અંબાણીની કંપની Jio-BP તમને રિટેલ આઉટલેટ ડીલર બનવાની ઓફર કરી રહી છે. રિલાયન્સ BP મોબિલિટી લિમિટેડ, રિલાયન્સ ઇન્ડસ્ટ્રીઝ લિમિટેડ અને BP વચ્ચેનું સંયુક્ત સાહસ, Jio-BP બ્રાન્ડ નામ હેઠળ કાર્ય કરે છે.

Jio-BPએ ગયા વર્ષે ઓક્ટોબર 2021માં તેનું પહેલું મોબિલિટી સ્ટેશન શરૂ કર્યું હતું. Jio-BP રિટેલ આઉટલેટ્સ પર, ગ્રાહકોને ઇંધણ, CNG, EV ચાર્જિંગ, બેટરી સ્વેપ સોલ્યુશન્સ, સુવિધા સ્ટોર્સ અને કાફે, એક્ટિવ ટેક્નોલોજી સાથે એક્સપ્રેસ ઓઇલ ચેન્જની ઍક્સેસ મળે છે. જીઓ-બીપી ગ્રોથ ઉદ્યોગસાહસિકોની શોધમાં છે, ખાસ કરીને એવા વ્યક્તિઓ કે જેઓ મ્યુનિસિપલ લિમિટ/શહેરી વિસ્તારો, રાષ્ટ્રીય/રાજ્ય ધોરીમાર્ગો પાસે જમીન ધરાવે છે.

આ માટે તમારે તમારી પોતાની જમીનની જરૂર છે (શહેરી 1200 ચોરસ મીટર, રાષ્ટ્રીય / રાજ્ય ધોરીમાર્ગ – 3000 ચોરસ મીટર અને અન્ય રસ્તાઓની આસપાસ 2000 ચોરસ મીટર). પંપની સ્થાપના માટે અંદાજિત રોકાણ રૂ. 2 કરોડથી વધુ છે (રોકાણમાં જમીનની કિંમતનો સમાવેશ થતો નથી). જમીનની લાંબી લીઝ હોવી જોઈએ.

Jio-BP રિટેલ આઉટલેટ ડીલર બનવા માટે, તમે https://partners.jiobp.in/ ની મુલાકાત લઈને અને ‘એક્સ્પ્રેશન ઑફ ઇન્ટરેસ્ટ’ સબમિટ કરીને નોંધણી કરાવી શકો છો. આ એક ફોર્મ છે, જેમાં નામ, રાજ્ય, જિલ્લો, સ્થાન, ઈમેલ, મોબાઈલ નંબર જેવી વિવિધ મહત્વની માહિતી ભરવાની રહેશે. અરજદારો jiobp.dealership@jiobp.com પર પણ ઈમેલ કરી શકે છે. અથવા તમે વોટ્સએપ નંબર 7021722222 પર ‘હાય’ લખીને પણ સંપર્ક કરી શકો છો.