પીએમ મોદી આજે 12,200 કરોડ રૂપિયાથી વધુની અનેક વિકાસ યોજનાઓનો શુભારંભ કરાવશે. તેઓ રાષ્ટ્રીય રાજધાનીમાં એક જાહેર સભાને પણ સંબોધન કરશે. એક સત્તાવાર નિવેદન અનુસાર, તેઓ સાહિબાબાદ આરઆરટીએસ સ્ટેશનથી ન્યૂ અશોક નગર આરઆરટીએસ સ્ટેશન વચ્ચે નમો ભારત ટ્રેનમાં પણ મુસાફરી કરશે. નિવેદનમાં કહેવામાં આવ્યું છે કે, વડાપ્રધાન સાહિબાબાદ અને ન્યૂ અશોક નગર વચ્ચે અંદાજે 4,600 કરોડ રૂપિયાના ખર્ચે નિર્મિત દિલ્હી-ગાઝિયાબાદ-મેરઠ નમો ભારત કોરિડોરના 13 કિલોમીટરના પટ્ટાનું ઉદ્ઘાટન કરશે. આ સાથે જ દિલ્હીને તેની પ્રથમ નમો ભારત કનેક્ટિવિટી મળશે. આનાથી દિલ્હી અને મેરઠ વચ્ચેની મુસાફરી ખૂબ જ સરળ બનશે.
સાહિબાબાદથી ન્યૂ અશોક નગરની મુલાકાત લેશે પીએમ મોદી
અધિકારીઓએ જણાવ્યું હતું કે, સવારે 11 વાગ્યે મંદિરનું ઉદ્ઘાટન કર્યા બાદ પીએમ મોદી સાહિબાબાદથી ન્યૂ અશોક નગર જશે. આ ટ્રેન રવિવારે સાંજે ૫ વાગ્યે તેની પેસેન્જર કામગીરી શરૂ કરશે અને ૧૫ મિનિટની આવર્તન પર ઉપલબ્ધ થશે. ન્યુ અશોક નગર સ્ટેશનથી મેરઠ દક્ષિણનું ભાડુ સ્ટાન્ડર્ડ કોચ માટે ૧૫૦ રૂપિયા અને પ્રીમિયમ કોચ માટે ૨૨૫ રૂપિયા છે. નવનિર્મિત 13 કિ.મી.ના પટ્ટામાંથી 6 કિ.મી.ની અન્ડરગ્રાઉન્ડ છે અને તેમાં આનંદ વિહાર નો સમાવેશ થાય છે, જે કોરિડોરનું એક મોટું સ્ટેશન છે. આ પહેલીવાર છે જ્યારે નમો ભારત ટ્રેનો ભૂગર્ભ વિભાગ પર દોડશે, એમ અધિકારીઓએ જણાવ્યું હતું. આ ઉદ્ધાટન સાથે જ હવે નમો ભારત ટ્રેનો દિલ્હી પહોંચશે.
નમો ભારત કોરિડોર 55 કિમી લાંબો હશે
સાહિબાબાદ અને દુહાઈ ડેપો વચ્ચેના 17 કિ.મી.ના પટ્ટાનું ઉદ્ઘાટન વડા પ્રધાન નરેન્દ્ર મોદીએ ગયા વર્ષે 20 ઓક્ટોબરના રોજ કર્યું હતું. હાલમાં સાહિબાબાદ અને મેરઠ સાઉથ વચ્ચે કોરિડોરનો 42 કિલોમીટરનો એક વિભાગ કાર્યરત છે, જેમાં નવ સ્ટેશનો છે, એમ અધિકારીઓએ જણાવ્યું હતું. તેમણે માહિતી આપી હતી કે, આ ઉદઘાટન સાથે નમો ભારત કોરિડોરનું સંચાલન વિભાગ વધીને 55 કિલોમીટર થઈ જશે, જેમાં કુલ 11 સ્ટેશનો હશે. આ પટ્ટા પર કામગીરી શરૂ થવાની સાથે જ મેરઠ શહેર હવે સીધું દિલ્હી સાથે જોડાઈ ગયું છે. આનાથી મુસાફરીનો સમય એક તૃતીયાંશ જેટલો ઘટી જશે, જેના કારણે મુસાફરોને ન્યૂ અશોક નગરથી મેરઠ દક્ષિણ સુધી માત્ર 40 મિનિટમાં મુસાફરી કરવાની મંજૂરી મળશે, એમ અધિકારીઓએ જણાવ્યું હતું.
)
દિલ્હી મેટ્રોના ચોથા તબક્કાના પ્રથમ સેક્શનનું ઉદ્ઘાટન
આ ઉપરાંત પીએમ મોદી દિલ્હી મેટ્રોના ચોથા તબક્કા હેઠળ લગભગ 1200 કરોડ રૂપિયાના ખર્ચે બનેલા જનકપુરી અને કૃષ્ણા પાર્ક વચ્ચેના 2.8 કિલોમીટરના પટ્ટાનું ઉદ્ઘાટન કરશે. દિલ્હી મેટ્રોના ચોથા તબક્કાનો આ પહેલો વિભાગ છે, જેનું ઉદ્ઘાટન કરવામાં આવશે. નિવેદનમાં કહેવામાં આવ્યું છે કે, તેનાથી પશ્ચિમ દિલ્હીના કૃષ્ણા પાર્ક, વિકાસપુરી અને જનકપુરીના કેટલાક ભાગો સહિત અન્ય વિસ્તારોને ફાયદો થશે. મોદી દિલ્હી મેટ્રોના ચોથા તબક્કાના 26.5 કિ.મી.ના રિથલા-કુંડલી સેક્શનનો શિલાન્યાસ કરશે.
SBI આ યોજનાથી દરેક ઘરને કરશે લાખપતિ, બાળકો અને વૃદ્ધો માટે પણ છે ઘણું બધું
Vi માર્ચ સુધીમાં 75 શહેરોમાં 5G સેવા શરૂ કરશે, ટેરિફ પ્લાન સસ્તા થશે, Jio-Airtelની ચિંતા વધી
HMPV વાયરસ ચીનમાં તબાહી મચાવી રહ્યો છે, ભારત માટે કેટલો ખતરો? NCDC એ જણાવી હકીકત
તેને લગભગ 6230 કરોડ રૂપિયાના ખર્ચે બનાવવામાં આવશે. આ કોરિડોર દિલ્હીમાં રિથાલાને હરિયાણામાં નાથુપુર (કુંડલી) સાથે જોડશે, જે દિલ્હી અને હરિયાણાના ઉત્તર-પશ્ચિમ ભાગો વચ્ચેની કનેક્ટિવિટીમાં નોંધપાત્ર સુધારો કરશે. તે વિસ્તૃત રેડ લાઇન મારફતે દિલ્હી, હરિયાણા અને ઉત્તરપ્રદેશ વચ્ચે મુસાફરીની સુવિધા પણ આપશે. સાથે જ પીએમ મોદી રોહિણીમાં કેન્દ્રીય આયુર્વેદ અનુસંધાન સંસ્થા (કેઆરઆઈ)ની નવી અત્યાધુનિક ઈમારતનો શિલાન્યાસ પણ કરશે. તેનું નિર્માણ આશરે ૧૮૫ કરોડના ખર્ચે કરવામાં આવશે.