પાકિસ્તાનથી પબજીના પ્રેમમાં ભારત આવેલી સીમા હૈદરની UP STFની પૂછપરછ બે દિવસથી પૂરી થઈ ગઈ છે. ઘરે આવ્યા બાદ સીમા હૈદર સાથે વાત કરી. આ દરમિયાન સીમાએ કહ્યું કે, જો મને પાકિસ્તાન પરત મોકલવામાં આવશે તો હું મરી જઈશ. લોકો મને ત્યાં મારી નાખશે. હું પાકિસ્તાન પાછી નહીં જઈ શકું. મારા લગ્ન પશુપતિનાથ મંદિરમાં જ થયા હતા. હું વિઝા વગર આવી છું પણ પ્રેમથી આવી છું. મને યોગીજી અને મોદીજીમાં વિશ્વાસ છે કે તેઓ મને નહીં મોકલે. મારા જન્મ પહેલા મારા કાકા લશ્કરમાં હતા. મારો ભાઈ મજૂર છે.
પાકિસ્તાનથી નેપાળ થઈને ભારત આવેલી સીમા હૈદર વિશે દરરોજ નવા ખુલાસા થઈ રહ્યા છે. સીમા હૈદર સામે ચાલી રહેલી યુપી એટીએસની તપાસ પણ પૂરી થઈ ગઈ છે. જો કે તપાસ એજન્સી દ્વારા કોઈ ક્લીનચીટ આપવામાં આવી નથી. આ દરમિયાન સીમા હૈદર તેના બોયફ્રેન્ડ સચિન મીના સાથે નેપાળમાં પહેલીવાર જે હોટલમાં રોકાઈ હતી તેના માલિકે ઘણા ચોંકાવનારા ખુલાસા કર્યા છે.
નેપાળની રાજધાની કાઠમંડુમાં ન્યૂ વિનાયક હોટલના માલિકે જણાવ્યું, ‘જ્યારે સચિન પહેલીવાર આવ્યો ત્યારે મારા સસરા તેને બસ સ્ટેન્ડ પરથી લેવા ગયા હતા. કારણ કે મોટાભાગે અમે નવા ગ્રાહકો મેળવવા જઈએ છીએ.
હોટલના માલિક ગણેશે કહ્યું કે સીમા હૈદર અને સચિને હોટલના રૂમમાં લગ્ન કર્યા કે કોઈ મંદિરમાં તેના વિશે કોઈ જાણ નથી. જો કે, સિંદૂર લગાવવાનો તેમના દ્વારા બનાવેલો વિડિયો આ રૂમનો છે.ગણેશે કહ્યું કે તેમની હરકતોથી કોઈ શંકા નથી કે તે લોકો કંઈક ખોટું કરી રહ્યા છે. સચિન ખૂબ જ મસ્તીથી રહેતો હતો. ગણેશે કહ્યું કે અમને લાગ્યું કે તેઓ નવા પરિણીત કપલ છે. પરંતુ જ્યારે અમે સમાચાર જોયા તો અમને ખબર પડી કે સીમા પાકિસ્તાની છે.
