World News: વડાપ્રધાન નરેન્દ્ર મોદીએ તાજેતરમાં લક્ષદ્વીપની મુલાકાત લીધી હતી. જે બાદ માલદીવ સરકારના મંત્રીઓ તરફથી ભારતને લઈને વાંધાજનક ટિપ્પણીઓ આવવા લાગી. આ ટિપ્પણીઓને કારણે સોશિયલ મીડિયા પર માલદીવનો બૉયકોટ ટ્રેન્ડ થવા લાગ્યો. હવે માલદીવના પૂર્વ રાષ્ટ્રપતિ મોહમ્મદ નશીદે માલદીવના નેતાઓની ભાષા પર વાંધો વ્યક્ત કર્યો છે. X પર પોસ્ટ કરીને મોહમ્મદ નશીદે મોહમ્મદ મુઈઝુ સરકારના મંત્રીઓને અભદ્ર ભાષાનો ઉપયોગ ન કરવાની સલાહ આપી છે.
What appalling language by Maldives Government official @shiuna_m towards the leader of a key ally, that is instrumental for Maldives’ security and prosperity. @MMuizzu gov must distance itself from these comments and give clear assurance to India they do not reflect gov policy.
— Mohamed Nasheed (@MohamedNasheed) January 7, 2024
પોતાની પોસ્ટમાં મરિયમ શિયુનાનો ઉલ્લેખ કરતા, મોહમ્મદ નશીદે લખ્યું, માલદીવના સરકારી અધિકારીની કેવી ભયાનક ભાષા… તે પણ એક મુખ્ય સાથી દેશના નેતા માટે, જેની સાથે સંબંધો માલદીવની સુરક્ષા અને સમૃદ્ધિ માટે મહત્વપૂર્ણ છે. મુઈઝુ સરકારે આ ટિપ્પણીઓથી પોતાને દૂર રાખવું જોઈએ અને ભારતને સ્પષ્ટ ખાતરી આપવી જોઈએ કે તેઓ આવી નીતિને પ્રતિબિંબિત કરતા નથી.
માલદીવના નેતાઓએ શું કહ્યું?
માલદીવની મંત્રી મરિયમ શિયુનાએ પોતાના ટ્વિટમાં પીએમ મોદી વિરુદ્ધ અપમાનજનક ભાષાનો ઉપયોગ કર્યો હતો. જ્યારે માલદીવના મંત્રી અબ્દુલ્લા મહઝૂમ માજિદે એક્સ પર પોસ્ટ લખતા કહ્યું કે ભારત અમને નિશાન બનાવી રહ્યું છે. તેમણે લખ્યું છે કે પર્યટનમાં માલદીવ સાથે સ્પર્ધામાં ભારતને નોંધપાત્ર પડકારોનો સામનો કરવો પડશે.
X પર પોસ્ટ કરતી વખતે, માલદીવની સત્તાધારી પાર્ટી પ્રોગ્રેસિવ પાર્ટી ઓફ માલદીવ્સ (PPM) ના નેતા ઝાહિદ રમીઝે લખ્યું, આ એક સારું પગલું છે. જો કે, અમારી સાથે સ્પર્ધા કરવાનો વિચાર ભ્રામક છે. અમે જે સેવા પ્રદાન કરીએ છીએ તે તેઓ કેવી રીતે પ્રદાન કરી શકે? તેઓ આટલા સ્વચ્છ કેવી રીતે હોઈ શકે?
પીએમ મોદીએ તેમની લક્ષદ્વીપ મુલાકાતનો અનુભવ ટ્વિટર પર શેર કર્યો હતો. જેમાં પીએમએ લખ્યું હતું કે, “જે લોકો રોમાંચક અનુભવ મેળવવા માંગે છે, લક્ષદ્વીપ ચોક્કસપણે તેમની યાદીમાં હોવું જોઈએ. પીએમ મોદીની આ પોસ્ટ ખૂબ વાયરલ થઈ હતી અને ઘણા સોશિયલ મીડિયા યુઝર્સે લક્ષદ્વીપને માલદીવનું વૈકલ્પિક પ્રવાસન સ્થળ ગણાવ્યું હતું.