PM નરેન્દ્ર મોદીએ ગુરુવારે રાષ્ટ્રીય યુવા મહોત્સવની શરૂઆત પહેલા રોડ શો કર્યો હતો. આ દરમિયાન બેરિકેડ પાર કર્યા બાદ એક છોકરો હાથમાં માળા લઈને તેની તરફ દોડ્યો. જો કે, ફરજ પરના સુરક્ષા અધિકારીઓએ તરત જ છોકરાને ખેંચીને પીએમથી દૂર લઈ ગયા હતા. વડાપ્રધાનના સુરક્ષા કોર્ડનને તોડીને તેમના સુધી પહોંચનાર છોકરાએ શુક્રવારે કહ્યું કે તે મોદીનો “મોટો ચાહક” છે, જે ભગવાન સમાન છે. ધોરણ 6ના વિદ્યાર્થી કુણાલ ધોંગડીએ કહ્યું કે બેરિકેડની મધ્યમાં એક નાનો ગેપ હતો અને તે મોદીને ફૂલની માળા અર્પણ કરવા તેમાંથી પસાર થયો હતો.
કુણાલ ધોંગડીએ કહ્યું કે હું PM મોદીને હાર પહેરાવવા ગયો હતો. સમાચારમાં સાંભળ્યું કે મોદીજી આવશે. હું વારંવાર (ઘરે તેના વિશે) પૂછતો હતો અને પરિવારના સભ્યો સાથે ત્યાં ગયો હતો. મોદીજી પોતાની કારમાં જઈ રહ્યા હતા. અમે ઈચ્છતા હતા કે મારા કાકાનું અઢી વર્ષનું બાળક RSSના ગણવેશમાં સજ્જ હોય તેને માળા પહેરાવે. પરંતુ તેમણે (PM મોદી) અમારી તરફ જોયું નહીં અને લાગ્યું કે કાર નીકળી જશે તેથી હું માળા લઈને બેરિકેડ્સની વચ્ચેના ગેપમાંથી નીકળી ગયો.
બેરિકેડ્સની વચ્ચેના ગેપમાંથી નીકળી દોટ મૂકી
છોકરાએ કહ્યું કે રસ્તામાં ઉભેલા તમામ લોકોની અને માળાની પહેલાથી જ તપાસવામાં આવી હતી. હું PM મોદીનો મોટો પ્રશંસક છું… તેઓ ભગવાન જેવા સારા વ્યક્તિ છે… મને ખુશી છે કે હું તેમની પાસે માળા લઈ જઈ શક્યો અને તેમને ખૂબ નજીકથી જોઈ શક્યો. આ છોકરો હાથમાં માળા લઈને પીએમ મોદીના કાફલા તરફ દોડતો જોવા મળ્યો હતો અને મોદીની ખૂબ નજીક જવામાં સફળ રહ્યો હતો. વડા પ્રધાન કારના દરવાજા ઉપરથી માળા લેવા પહોંચ્યા, પરંતુ છોકરા સુધી પહોંચી શક્યા નહીં.
વડા પ્રધાને કારના દરવાજાથી લીધી માળા
જૉ કે, ‘સ્પેશિયલ પ્રોટેક્શન ગ્રુપ’ (SPG)ના જવાનોએ છોકરાના હાથમાંથી માળા પકડીને વડાપ્રધાનને આપી હતી. મોદીએ માળા પોતાની કારની અંદર રાખી હતી. સ્થાનિક પોલીસે છોકરાને પકડી લીધો અને તેને ત્યાંથી લઈ ગયા. આ ઘટના ત્યારે બની જ્યારે મોદી અહીં 26માં રાષ્ટ્રીય યુવા મહોત્સવનું ઉદ્ઘાટન કરવા એરપોર્ટથી રેલવે સ્પોર્ટ્સ ગ્રાઉન્ડ જઈ રહ્યા હતા. પોલીસે ગુરુવારે છોકરા અને તેના પરિવારના સભ્યોની પૂછપરછ કરી હતી અને બાદમાં તેમને છોડી દીધા હતો.
અમે ભાજપ અને મોદીના વફાદાર સમર્થકો છીએ
કુણાલના દાદાએ કહ્યું કે પોલીસે પૂછપરછ કરીને તેમનું કામ કર્યું અને જ્યારે પોલીસને લાગ્યું કે એક છોકરાએ નિર્દોષપણે વડાપ્રધાનની સુરક્ષાનો ભંગ કર્યો છે, ત્યારે પોલીસે તેને છોડી દીધો. કેન્દ્રીય પ્રધાન પ્રહલાદ જોશી અને અન્ય વરિષ્ઠ ભારતીય જનતા પાર્ટી (BJP) નેતાઓએ અમને પોલીસને સહકાર આપવા કહ્યું હતું અને ખાતરી આપી હતી કે કંઈ થશે નહીં, કારણ કે તેઓ જાણતા હતા કે અમે ભાજપ અને મોદીના વફાદાર સમર્થકો છીએ.