Gujarat News : જૂનાગઢમાં સતત ૩ દિવસથી જોરદાર વરસાદ પડી રહ્યો છે, ત્યારે ગત મોડી રાત્રે પણ જૂનાગઢમાં ભારે વરસાદ વરસયો હતો. અતિ ભારે વરસાદને પગલે નીચણવાળા વિસ્તારોમાં પાણી ભરાઇ ગયા છે, લોકોના ઘરમાં પાણી ઘુસી ગયું છે, જ્યારે ખેતરો પણ જળબંબાકાર જોવા મળી રહ્યા છે, મટિયાણામાં પણ ઠેર-ઠેર પાણી ભરાયા છે, જયારે માણાવદરમાં જ્યાં જુઓ ત્યાં પાણી જ પાણી જોવા મળી રહ્યું છે. માણાવદરના આકાશી નજારામાં જુઓ ત્યાં કેવી સ્થિતિ છે.
જૂનાગઢમાં ભારે વરસાદને પગલે ઓઝત નદીનો પારો તૂટ્યો છે. બામણાસા પાસે નદીનો પારો તૂટ્યો છે. 10 ગામનો વાહન વ્યવહાર ઠપ થયો છે, બાલા ગામથી પંચાળા ગામનો વાહન વ્યવહાર ખોરવાયો છે, નદીના પાણી ખેતરોમાં ફરી વળ્યાં છે. જેના લીધે મગફળીના વાવેતરમાં નુકસાન પહોંચ્યું છે અને જમીનનું ધોવાણ થયું છે.
જૂનાગઢનો હસ્નાપુર ડેમ ઓવરફલો થયો છે. ગિરનાર પર અતિભારે વરસાદ થતા ડેમ છલકાયો છે. જેના પગલે નીચાણવાળા વિસ્તારોને એલર્ટ કરાયા છે. પહેલા વરસાદમાં જ જૂનાગઢના ત્રણ ડેમ ઓવરફ્લો થયા છે. સૌરાષ્ટ્ર પંથકમાં ધોધમાર વરસાદથી જળબંબાકારની સ્થિતિ સર્જાઇ રહી છે. ભારે વરસાદથી ઓઝત નદી ગાંડીતૂર બની છે, નદીકાંઠાના ગામોના ખેતરોમાં પાણી ફરી વળ્યા છે. હજારો એકર ખેતરનું ધોવાણ થયું છે, જ્યારે વાવેતરમાં ભારે નુકશાન થયું છે. જેના પગલે તંત્ર એલર્ટ છે. જ્યારે કેશોદમાં NDRFની ટીમ સ્ટેન્ડબાય પર છે.
લાંબી દાઢી, લાંબા વાળ અને સાધુનો પોશાક… ગુજરાતના વોન્ટેડ ગુનેગારની 23 વર્ષ બાદ મથુરામાંથી ધરપકડ
જુનાગઢમાં મેઘરાજાએ ધબધબાટી બોલાવી દીધી, તારાજીનો નજારો જોઈને ચોંકી જશો, ગામોના ગામો ડૂબ્યા
છેલ્લા 22 કલાકમાં કુલ 189 તાલુકામાં વરસાદ ખાબક્યો છે. ત્યારે જુનાગઢના વિસાવદર તાલુકામાં 15 ઇંચ જેટલો વરસાદ વરસ્યો છે. જ્યારે જામનગર તાલુકામાં 11 ઇંચ જેટલો વરસાદ નોંધાયો છે. કચ્છના અંજાર તાલુકામાં 10 ઇંચ વરસાદ પડ્યો હતો, આ ધોધમાર વરસાદને કારણે નીચાણવાળા વિસ્તારોમાં પાણી ભરાઇ ગયા હતા.