રાજ્યમાં વરસાદનું જોર ઓછું થયુ છે ત્યારે ગુજરાતમાં સિઝનનો 85 ટકા વરસાદ નોંધાયો છે. હવામાન વિભાગની આગાહી પ્રમાણે, આગામી 48 કલાક નવસારી, વલસાડના કેટલાક વિસ્તારોમાં ભારે વરસાદની શકયતા છે. જ્યારે અન્ય જિલ્લાઓમાં વરસાદ માટે કોઇ એલર્ટ આપવામાં નથી આવ્યું.
હવામાન વિભાગના ડાયરેક્ટર ડો. મનોરમા મોહંતીએ મંગળવારે જણાવ્યું હતુ કે, ગુજરાતમાં પાંચ દિવસ છૂટો છવાયો વરસાદ રહેશે. વધારે વરસાદની કોઇ સંભાવના નથી. એવુ પણ થઇ શકે કે, કેટલાક તાલુકામાં જરાપણ વરસાદ ન થાય પરંતુ દક્ષિણ ગુજરાતમાં હળવાથી સામાન્ય વરસાદ થઇ શકે છે. કેટલીક જગ્યાએ ભારે વરસાદની પણ આશંકા વ્યક્ત કરવામાં આવી છે.
આ ઉપરાંત મનોરમા મોહંએ જણાવ્યું કે, સૌરાષ્ટ્ર કચ્છમાં પણ છૂટોછવાયો વરસાદ થવાની આગાહી કરવામાં આવી છે. ક્યાંક સામાન્ય વરસાદની પણ આશંકા છે. રાજ્યમાં એકાદ જગ્યાએ ભારે વરસાદ થઇ શકે છે. ગુજરાતના કોઇ તાલુકામાં ભારે વરસાદની શક્યતા નથી.
IND vs WI: બીજી ટેસ્ટ મેચમાં વરસાદનું વિઘ્ન નડતા રોહિત શર્મા થયો ગુસ્સે, કેપ્ટને આપ્યું આવું નિવેદન
હાર્દિક પંડ્યાને મળ્યો આરામ, તો કોણ બનશે ટીમ ઈન્ડિયાનો કેપ્ટન? 3 ખેલાડીઓ રેસમાં સૌથી આગળ
હવામાન વિભાગના આજના મેપ પ્રમાણે નવસારી, વલસાડ અને ડાંગના કેટલાક વિસ્તારોમાં ભારે વરસાદની આગાહી કરવામાં આવી છે. આ ઉપરાંતના વિસ્તારોમાં વરસાદની કોઇ આગાહી કરવામાં આવી નથી. તેમજ હવામાન વિભાગના આવતીકાલ એટલે ગુરૂવારે નવસારી, વલસાડમાં કેટલાક વિસ્તારોમાં ભારે વરસાદની આગાહી કરવામાં આવી છે. આ ઉપરાંતના વિસ્તારોમાં ભારે વરસાદની કોઇ આગાહી કરવામાં આવી નથી.