Gujarati News : રાજ્યમાં ઓગસ્ટ મહિનામાં મેઘરાજાએ હાથતાળી આપી દીધી હતી. ત્યારે ગુજરાતીઓ સપ્ટેમ્બરમાં પણ વરસાદની રાહ જોઇ રહ્યા છે. રાજ્યના ખેડૂતો પણ પોતાના પાક માટે વરસાદ વરસે તેવી મેઘરાજાને પ્રાર્થના કરી રહ્યા છે. ત્યારે હવામાન વિભાગે રાહાતની આગાહી કરી છે. સોમવારે બપોરે હવામાન વિભાગના વૈજ્ઞાનિકે વરસાદની શક્યતાઓની આગાહી કરી છે.
અમદાવાદ હવામાન વિભાગ કેન્દ્રના વૈજ્ઞાનિક અભિમન્યુ ચૌહાણે આગામી પાંચ દિવસના રાજ્યના હવામાન અંગે આગાહી કરી છે. જેમા તેમણે 6 સપ્ટેમ્બરથી ઉત્તર ગુજરાતના કેટલાક વિસ્તારોમાં વરસાદ થવાનું જણાવ્યુ છે, તેમણે પાંચ દિવસ દરમિયાન વરસાદનું પ્રમાણ વધેલું જોવા મળશે અને જેમાં દક્ષિણ ગુજરાતના ભાગોમાં વધુ વરસાદ જોવા મળશે તેમ પણ જણાવ્યુ છે.
વૈજ્ઞાનિક અભિમન્યુ ચૌહાણે સૌરાષ્ટ્ર-કચ્છ અંગે આગાહી કરતા જણાવ્યું છે કે, અહીંનું હવામાન 5 દિવસ દરમિયાન મોટાભાગે સૂકું રહેવાની શક્યતાઓ છે. દરિયાકિનારાના ભાગોમાં હળવો વરસાદ નોંધાઈ શકે છે. જેમાં પોરબંદર, જુનાગઢ, અમરેલી, ભાવનગર વગેરેનો સમાવેશ થાય છે.
તારીખ પ્રમાણે વાત કરતા જણાવ્યુ છે કે, 7 અને 8 સપ્ટેમ્બરના રોજ દક્ષિણ ગુજરાતના કેટલાક જિલ્લાઓમાં ભારે વરસાદની ચેતવણી આપવામાં આવી છે. ભારે વરસાદની સંભાવનાઓ વ્યક્ત કરવામાં આવી છે, તે જિલ્લાઓમાં નર્મદા, સુરત, ડાંગ, નવસારી, વલસાડ, તાપી, દમણ અને દાદરા નગર હવેલીનો સમાવેશ થાય છે. આ જિલ્લાઓમાં ભારે વરસાદ થઈ શકે છે.
આગામી સમયમાં ગુજરાતમાં વરસાદનું જોર વધવાની શક્યતાઓ છે, તેનું બંગાળની ખાડીમાં સર્ક્યુલેશન છે જે આગામી 24 કલાકમાં લો પ્રેશર બનવાની શક્યતાઓ છે. જેના કારણે ગુજરાતમાં આગામી દિવસોમાં વરસાદ જોવા મળી શકે છે. હાલ માછીમારો માટે કોઈ ચેતવણી આપવામાં આવી નથી.
12થી 15 સપ્ટેમ્બર દરમિયાન ગુજરાતમાં વરસાદની ગતિવિધિ સારી ચાલવાની શક્યતાઓ છે. તેમણે બંગાળના ઉપસાગરમાં ઉપરાછાપરી સિસ્ટમ બનવાની વાત કરતા જણાવ્યું છે કે, તારીખ 10થી 15 તારીખમાં સિસ્ટમ બનવાની શક્યતાઓ છે. બંગાળના ઉપસાગર અને અરબ સાગરના વહનથી આગામી સપ્ટેમ્બર માસમાં સારો વરસાદ થવાની શક્યતાઓ રહેલી છે.
UPI યુઝર્સ ખાસ સાવધાન રહો! SBIએ અમલમાં મૂકી આ મોટી બાબાત, કરોડો ગ્રાહકોને થશે સીધી અસર
એક નંબરનો હલકટ સસરો, સુહાગરાતની રાત્રે જ વહુ સાથે સસરાએ કર્યો ન કરવાનો કાંડ, જાણીને તમે ગાળો જ આપશો
ગુજરાતીઓ તૈયાર થઈ જાઓ, આ તહેવારોની સિઝન પહેલા ફ્લિપકાર્ટ આપશે 1 લાખથી વધુ નોકરીઓ, આ રીતે મળશે!
અમદાવાદ અને ગાંધીનગરના હવામાન અંગે વાત કરતા વૈજ્ઞાનિક અભિમન્યુએ જણાવ્યું છે કે, 24 કલાક દરમિયાન હવામાન વાદળછાયું રહેશે. જ્યારે તાપમાનમાં કોઈ મોટા ફેરફારની શક્યતાઓ નથી. અમદાવાદનું મહત્તમ તાપમાન 36 ડિગ્રી અને ગાંધીનગરનું 35 ડિગ્રી નોંધાયું છે. બે દિવસ અમદાવાદમાં વરસાદ થવાની શક્યતાઓ નથી. 6 તારીખથી અમદાવાદ જિલ્લાના કેટલાક ભાગોમાં હળવો વરસાદ આવી શકે છે.