ભારતીય ટીમના સ્ટાર ઓલરાઉન્ડર હાર્દિક પંડ્યાએ દેશના ગૃહમંત્રી અમિત શાહ સાથે મુલાકાત કરી છે. આ દરમિયાન હાર્દિકનો ભાઈ અને ક્રિકેટર કૃણાલ પંડ્યા પણ હાજર હતો. હાર્દિકે પોતે અમિત શાહ સાથે હાથ મિલાવતી તસવીરો શેર કરી છે. આ તસવીરો શેર કરતા હાર્દિકે લખ્યું, “તમારી સાથે તમારો કિંમતી સમય વિતાવવા માટે અમને આમંત્રણ આપવા બદલ આભાર. અમિત શાહ જી તમને મળવું ગર્વ અને સન્માનની વાત છે.”
શ્રીલંકા સામેની ટી-20 શ્રેણીમાં હાર્દિક પંડ્યાને કેપ્ટન બનાવવામાં આવ્યો છે. આયર્લેન્ડ, વેસ્ટ ઈન્ડિઝ અને ન્યુઝીલેન્ડ બાદ હવે તે શ્રીલંકા સામે ભારતીય ટી20 ટીમની કમાન સંભાળશે. આ સિવાય તે ODI ટીમમાં પણ પરત ફર્યો છે અને તેને વાઈસ કેપ્ટન પણ બનાવવામાં આવ્યો છે. રોહિત શર્મા બાદ હાર્દિકને ભારતની ODI અને T20 ટીમનો કેપ્ટન બનાવવામાં આવી શકે છે.
હાર્દિક અને કૃણાલ પંડ્યા થોડા સમય પહેલા KGF ફિલ્મ અભિનેતા યશને મળ્યા હતા. હાર્દિક તેને મળવાની ખુશી છુપાવી શક્યો નથી. તેણે ઈન્સ્ટાગ્રામ પર તસવીરો શેર કરી અને કેપ્શનમાં લખ્યું- “KGF-3.” આશા છે કે આ ફિલ્મનો ત્રીજો ભાગ પણ આવશે. કેજીએફના ત્રીજા ભાગની ચાહકો આતુરતાથી રાહ જોઈ રહ્યા છે.
શ્રીલંકા સામેની ODI ટીમમાં હાર્દિક પંડ્યાની વાપસી થઈ છે અને લોકેશ રાહુલ ટીમમાં હોવા છતાં તેને વાઇસ કેપ્ટન બનાવવામાં આવ્યો છે, જ્યારે T20 ટીમ પણ તેને આપવામાં આવી છે. તે સ્પષ્ટ છે કે પસંદગીકારો હાર્દિક પંડ્યાને ભારતના ભાવિ કેપ્ટન તરીકે જોઈ રહ્યા છે. જોકે પંડ્યાને ટેસ્ટ ટીમમાં તક નથી મળી રહી, પરંતુ વનડે અને ટી-20માં રોહિત બાદ હાર્દિક કેપ્ટન બનવાનો પ્રબળ દાવેદાર બની ગયો છે.