ગુજરાત-રાજસ્થાનથી લઈને દિલ્લી-મુંબઈ સુધી… બિપરજોયના કારણે આખા દેશનું વાતાવરણ ગોટે ચડ્યું, ધોધમાર વરસાદની વકી

All India Weather Update: આ વર્ષનું પ્રથમ ચક્રવાત બિપરજોય, જે અરબી સમુદ્રમાં ઉદ્દભવ્યું હતું, તેણે 15 જૂનની સાંજે ઉત્તર ગુજરાતના દરિયાકાંઠે લેન્ડફોલ કર્યું હતું. હવે તે ઉત્તર પશ્ચિમ ગુજરાત અને પાકિસ્તાનના દક્ષિણ સિંધના સંલગ્ન ભાગો તરફ આગળ વધ્યું છે. એવું માનવામાં આવે છે કે તે હવે દક્ષિણ રાજસ્થાન ઉપર ઉત્તરપૂર્વ દિશામાં આગળ વધશે. જો કે તેની અસર ગુજરાતના દરિયાકાંઠે 18 જૂનની સવાર સુધી જોવા મળશે. જેના કારણે સૌરાષ્ટ્ર અને કચ્છના દરિયાકાંઠે પવનની ઝડપ 25 થી 30 કિમીની રહેશે. 18મી જૂનની સવાર સુધી પવનના મોજા પણ ઉંચા રહેશે. 18મી જૂનની સવારથી પવનની ગતિ ઘટવા લાગશે અને મોજાની ઊંચાઈ પણ ઘટશે.

રાજસ્થાનમાં આજે ભારે વરસાદનું એલર્ટ

ખાનગી હવામાન એજન્સી સ્કાયમેટ અનુસાર ચક્રવાત બિપરજોય 16 જૂને દક્ષિણ-પશ્ચિમ રાજસ્થાન પહોંચી ગયું છે. જેના કારણે આજે ગુજરાતના કચ્છ પ્રદેશ, પાકિસ્તાનના દક્ષિણ-પૂર્વ સિંધ તેમજ દક્ષિણ-પશ્ચિમ અને પશ્ચિમ રાજસ્થાનના ભાગોમાં ભારેથી અતિભારે વરસાદ પડશે. રાજસ્થાનના ઘણા ભાગોમાં 17 અને 18 જૂને હળવોથી ભારે વરસાદ થશે.

દિલ્હી-NCRમાં આ પ્રકારનું હવામાન રહેશે

જો આપણે દિલ્હી-એનસીઆરના હવામાન વિશે વાત કરીએ, તો 18 થી 20 જૂન સુધી, એક કે બે વાર હળવાથી મધ્યમ વરસાદ પડી શકે છે. આ વરસાદનું કારણ વેસ્ટર્ન ડિસ્ટર્બન્સ અને ચક્રવાત બિપરજોયની સંયુક્ત અસર હશે. આ જ સમયગાળા દરમિયાન દિલ્હી ઉપરાંત પંજાબ, હરિયાણા અને પશ્ચિમ ઉત્તર પ્રદેશના કેટલાક ભાગોમાં વાવાઝોડું આવી શકે છે.

આ રાજ્યોમાં વાવાઝોડું આવશે

એજન્સી અનુસાર આગામી 24 કલાકમાં પંજાબ, હરિયાણા અને ઉત્તર રાજસ્થાનમાં હળવો વરસાદ પડી શકે છે. આ સાથે ધૂળ ભરેલું વાવાઝોડું પણ આવી શકે છે. જેના કારણે લોકોને કાળઝાળ ગરમીમાંથી થોડી રાહત મળશે. આજે દક્ષિણપૂર્વ રાજસ્થાન, ગુજરાત પ્રદેશ, કોંકણ અને ગોવા અને પેટા હિમાલયન પશ્ચિમ બંગાળમાં હળવોથી ભારે વરસાદ પડી શકે છે. હવામાન વિભાગે રાજસ્થાનમાં સોમવાર સુધી ભારે વરસાદનું એલર્ટ જાહેર કર્યું છે.

આ પણ વાંચો

સરકારની પૂર્વ તૈયારીએ મહા વાવાઝોડા સામે લડવામાં ભરપૂર મદદ કરી, આ એક સિસ્ટમ દરેક મુશ્કેલી માટે નિવારક બની

ગુજરાત બાદ હવે રાજસ્થાનનો વારો, આજે મુશળધાર વરસાદ પડશે, બિપરજોયની નવીનતમ સ્થિતિ જાણી લોકો ફફડ્યાં

ત્રાટકીને વિનાશ વેરી ગયું, પરંચુ હવે મહા વાવાઝોડા બિપરજોયની ‘આફ્ટર ઇફેક્ટ’માં આટલા પડકારો સરકારને ભીંસ પાડી દેશે

દક્ષિણના રાજ્યોમાં આ સ્થિતિ રહેશે

આજે આંદામાન અને નિકોબાર ટાપુઓ, દરિયાકાંઠાના કર્ણાટક અને કેરળમાં એક કે બે સ્થળોએ ભારેથી અતિ ભારે વરસાદ સાથે હળવોથી મધ્યમ વરસાદ. તમિલનાડુ, જમ્મુ કાશ્મીર, હિમાચલ પ્રદેશ, પશ્ચિમ બંગાળ, ઓડિશા, તટીય આંધ્ર પ્રદેશ અને દક્ષિણ આંતરિક કર્ણાટકના ભાગોમાં હળવો વરસાદ શક્ય છે.