ITR Filing: 1લી એપ્રિલથી નવું નાણાકીય વર્ષ શરૂ થયું છે. આ સાથે નાણાકીય વર્ષ 2022-23 માટે ઈન્કમ ટેક્સ રિટર્ન (ITR) ફાઈલ કરવાની પ્રક્રિયા પણ ચાલી રહી છે. આ માટે CBDT દ્વારા 31 જુલાઈ 2023ની છેલ્લી તારીખ નક્કી કરવામાં આવી છે. આ અંતર્ગત કરપાત્ર આવક ધરાવતા લોકોએ આવકવેરા રિટર્ન ફાઇલ કરવાનું રહેશે. હવે તમે જૂની ટેક્સ સિસ્ટમ અને નવી ટેક્સ સિસ્ટમ હેઠળ આવકવેરો ચૂકવી શકો છો અથવા ITR ફાઇલ કરી શકો છો. બંને કર પ્રણાલીઓમાં ટેક્સ સ્લેબ અલગ છે.
કુલ સાત પ્રકારના ITR ફોર્મ
જો તમારી પાસે ટેક્સની જવાબદારી છે, તો તમારે 31 જુલાઈ સુધીમાં નાણાકીય વર્ષ 2022-23 માટે આવકવેરા રિટર્ન (આઇટીઆર) ફાઇલ કરવું પડશે. સેન્ટ્રલ બોર્ડ ઓફ ડાયરેક્ટ ટેક્સિસ (સીબીડીટી) દ્વારા ફેબ્રુઆરીમાં આઇટીઆર ફોર્મ જારી કરવામાં આવ્યા હતા. નોકરિયાત લોકો માટે કંપનીઓ દ્વારા ફોર્મ-16 પણ જારી કરવામાં આવ્યું છે. આ પછી, આઇટીઆર ફાઇલ કરનારાઓની સંખ્યા વધવાની તૈયારીમાં છે. 31 જુલાઇ નજીક આવતાની સાથે જ ઇનકમ ટેક્સની વેબસાઇટ પર ટ્રાફિક વધતો જાય છે. તેથી, તે મહત્વનું છે કે તમે સમયસર આઇટીઆર ફાઇલ કરતા રહો. તમને જણાવી દઈએ કે વ્યક્તિગત આવકવેરા દાતાઓ, વ્યવસાયો અને કંપનીઓ માટે સાત પ્રકારના આઈટીઆર ફોર્મ છે.
ક્યારે લાગશે દંડ?
જરૂરિયાત મુજબ જુદા જુદા આઈટીઆર ફોર્મ ફાઈલ કરવામાં આવે છે. આઈટીઆર-1 અને આઈટીઆર-4 મોટી સંખ્યામાં નાના અને મધ્યમ કરદાતાઓ દ્વારા ફાઈલ કરવામાં આવે છે. જો કે ઇનકમ ટેક્સ ભરનારા લોકો સમય મર્યાદાનું ધ્યાન નહીં રાખે તો તેમને 5 હજાર રૂપિયાનો દંડ ભરવો પડી શકે છે. આ વર્ષે આઇટીઆર ફાઇલ કરવાની છેલ્લી તારીખ ૩૧ જુલાઇ છે. આવી સ્થિતિમાં જો કોઈ 31 જુલાઈ સુધીમાં આઈટીઆર ફાઈલ નથી કરી શકતું તો તેની પાસે 31 ડિસેમ્બર સુધીનો સમય છે. તમે લેટ રિટર્ન ફાઇલ સાથે આઇટીઆર 31 ડિસેમ્બર સુધી ફાઇલ કરી શકો છો. આમાં તમારે 5 હજાર રૂપિયાનો દંડ ભરવો પડશે.
આ પણ વાંચોઃ
આવકવેરા વિભાગની વેબસાઇટ પર આપવામાં આવેલી જાણકારી અનુસાર 31 જુલાઇ 2023 બાદ આઇટીઆર ફાઇલ કરનારાઓને 5000 રૂપિયાનો દંડ ભરવો પડશે. આ પછી પણ જો નિયત તારીખ સુધીમાં આઈટીઆર ફાઈલ ન કરવામાં આવે તો તે પછી ફાઈલિંગ માટેની રકમ બમણી થઈ શકે છે.