ઈન્ડિયન પ્રીમિયર લીગ (IPL) 2023ની ફાઈનલ મેચ રવિવાર (28 મે)ના રોજ યોજાવાની હતી, પરંતુ તેમાં વરસાદ વિલન બન્યો હતો. રવિવારની આખી રમત ધોવાઈ ગઈ હતી. ટોસ પણ થઈ શક્યો નહોતો. આવી સ્થિતિમાં, હવે આ ટાઈટલ મેચનો નિર્ણય રિઝર્વ ડે (29 મે) પર થશે. આ ફાઇનલ મેચ અમદાવાદના નરેન્દ્ર મોદી સ્ટેડિયમમાં આજે સાંજે રમાવાની છે. આ મેચ મહેન્દ્ર સિંહ ધોનીની આગેવાની હેઠળની ચેન્નાઈ સુપર કિંગ્સ અને હાર્દિક પંડ્યાની આગેવાની હેઠળની ગુજરાત ટાઇટન્સ વચ્ચે રમાશે. પરંતુ સોમવારે પણ અમદાવાદમાં વરસાદની સંભાવના છે. આવી સ્થિતિમાં રિઝર્વ ડે પર પણ આ મેચ યોજવી મુશ્કેલ લાગે છે.
મેચ દરમિયાન વરસાદની શક્યતા
Accuweather અનુસાર, અમદાવાદમાં સોમવારે મહત્તમ તાપમાન 39 ડિગ્રી સેલ્સિયસ રહેશે, જ્યારે લઘુત્તમ તાપમાન 28 ડિગ્રી સેલ્સિયસ રહેવાની ધારણા છે. આ દિવસે 40 ટકા વરસાદની સંભાવના છે. આકાશ વાદળછાયું રહેશે અને પવનની ઝડપ 32 કિમી પ્રતિ કલાક સુધી રહેવાની ધારણા છે.
જો કે ચાહકો માટે સારા સમાચાર એ છે કે મેચ દરમિયાન વરસાદની શક્યતા ઘણી ઓછી છે. આ ફાઇનલ મેચ સાંજે 7.30 વાગ્યાથી થશે. જ્યારે અમદાવાદમાં સાંજે 4 થી 6 દરમિયાન વરસાદની સંભાવના 50 ટકાની આસપાસ રહેશે. જ્યારે 7 વાગ્યા પછી આખી રાત વરસાદની શક્યતા શૂન્ય ટકા જણાવવામાં આવી રહી છે.
The #Final of the #TATAIPL 2023 has been moved to the reserve day on 29th May – 7:30 PM IST at the Narendra Modi Stadium, Ahmedabad.
Physical tickets for today will be valid tomorrow. We request you to keep the tickets safe & intact. #CSKvGT pic.twitter.com/d3DrPVrIVD
— IndianPremierLeague (@IPL) May 28, 2023
અમદાવાદમાં સોમવારે હવામાનની આગાહી
મહત્તમ તાપમાન: 39 ° સે
લઘુત્તમ તાપમાન: 28 ડિગ્રી સેલ્સિયસ
વરસાદની સંભાવના: 40%
વાદળછાયું: 39%
પવનની ઝડપ હશે: 32 કિમી/કલાક
હવામાન વિભાગે ભારે પવન સાથે વરસાદની ચેતવણી આપી છે
ગુજરાતમાં આજે મધ્ય અને ઉત્તર ગુજરાતમાં ભારે પવન સાથે વરસાદની ચેતવણી આપવામાં આવી છે. જો સાંજે વરસાદ પડે તો IPL ફાઈનલમાં ખલેલ પડી શકે છે. ગુજરાતમાં હવામાન વિભાગે અનેક વિસ્તારોમાં વરસાદની ચેતવણી જારી કરી છે. આગામી બે દિવસ મધ્ય અને ઉત્તર ગુજરાતમાં ભારે પવન સાથે વરસાદ પડશે. જેમાં ભરૂચ, વડોદરા, સુરેન્દ્રનગર, અમરેલી, ભાવનગર, અમદાવાદ, બનાસકાંઠા, સાબરકાઠા, પંચમહાલ, દાહોદ, રાજકોટ, અમરેલી, ભાવનગરમાં વરસાદ પડી શકે છે.
ગુજરાતમાં વરસાદ અને વાવાઝોડાના કારણે ચારેકોર તબાહી, ક્યાંક અંધાર પટ તો ક્યાંક તૈયાર પાક પતી ગયો
વાસ્તવમાં, સાયક્લોનિક સરક્યુલેશનને કારણે ગુજરાતમાં વરસાદની સંભાવના છે. હવામાન વિભાગના જણાવ્યા અનુસાર, આ સમયે ઉત્તર પશ્ચિમ રાજસ્થાન અને તેની આસપાસના વિસ્તારોમાં સાયક્લોનિક સરક્યુલેશન સિસ્ટમ છે. બીજી તરફ, વેસ્ટર્ન ડિસ્ટર્બન્સ ઉત્તર મધ્ય પ્રદેશ અને પાકિસ્તાનની નજીક પણ છે. એકસાથે ત્રણ સિસ્ટમ હોવાને કારણે ભારે પવન સાથે વરસાદ પડશે.