ઇન્ડિયન પ્રીમિયર લીગ 2023 ની 17મી મેચ 12 એપ્રિલે રાજસ્થાન રોયલ્સ અને ચેન્નાઈ સુપર કિંગ્સ વચ્ચે રમાઈ હતી. તે IPL 2023 ની સૌથી રોમાંચક મેચોમાંની એક હતી. મેચમાં જીત-હારનો નિર્ણય છેલ્લા બોલ પર થઈ ગયો હતો. જેમાં રાજસ્થાન રોયલ્સની ટીમ જીત મેળવવામાં સફળ રહી હતી. ખરેખર, છેલ્લા બોલ પર સીએસકેને મેચ જીતવા માટે 5 રનની જરૂર હતી. પરંતુ સ્ટ્રાઈક પર આવેલ એમએસ ધોની માત્ર એક રન બનાવી શક્યો હતો. પ્રથમ બેટિંગ કરતા રાજસ્થાન રોયલ્સે 8 વિકેટે 175 રન બનાવ્યા હતા. જીત માટે 176 રનના લક્ષ્યાંકનો પીછો કરવા ઉતરેલી CSKની ટીમ 20 ઓવરમાં 6 વિકેટે 172 રન જ બનાવી શકી હતી. પરંતુ રાજસ્થાનની જીતનો આનંદ ત્યારે ઓછો થઈ ગયો જ્યારે કેપ્ટન સંજુ સેમસનને ધીમી ઓવર રેટના કારણે લાખો રૂપિયાનો દંડ ફટકારવામાં આવ્યો.
સંજુને 12 લાખનો દંડ
રાજસ્થાન રોયલ્સ ટીમ નિર્ધારિત સમયમાં પોતાની ઓવર પૂરી કરી શકી નહોતી. એટલા માટે સંજુ સેમસનને મેચમાં ધીમી ઓવર રેટથી બોલિંગ કરવા બદલ 12 લાખ રૂપિયાનો દંડ ફટકારવામાં આવ્યો હતો. IPL 2023માં રાજસ્થાન રોયલ્સ ટીમનો આ પહેલો ગુનો હતો. જ્યારે રાજસ્થાનની ટીમે IPL આચાર સંહિતા નિયમોનું ઉલ્લંઘન કર્યું હતું. હવે કેપ્ટન સંજુ સેમસનને દંડ તરીકે 12 લાખ રૂપિયા ચૂકવવા પડશે.
રાજસ્થાન છેલ્લા બોલ પર જીત્યું
ચેન્નાઈના એમએ ચિદમ્બરમ સ્ટેડિયમમાં રમાયેલી આ મેચમાં રાજસ્થાન રોયલ્સનો છેલ્લા બોલે વિજય થયો હતો. છેલ્લી ઓવરમાં CSKને મેચ જીતવા માટે 21 રનની જરૂર હતી. ચેન્નાઈની ઈનિંગની છેલ્લી ઓવર સંદીપ શર્મા ફેંકવા આવ્યો હતો. આ દરમિયાન ધોની તેની સામે હતો. સંદીપે સતત બે વાઈડ વડે ઓવરની શરૂઆત કરી હતી. આ પછી ધોની પ્રથમ બોલ પર રન લઈ શક્યો નહોતો. જ્યારે તે બીજા અને ત્રીજા બોલ પર સિક્સર ફટકારવામાં સફળ રહ્યો હતો. ચોથા બોલ પર ધોનીએ એક રન લીધો અને જાડેજાને સ્ટ્રાઇક આપી જે એક રન બનાવી શક્યો.
દેશના સૌથી અમીર મુખ્યમંત્રી કોણ છે? 30 માંથી 29 CM કરોડપતિ છે, જાણી લો દરેક રાજ્યના CMની કુલ સંપત્તિ
છેલ્લા બોલ પર ધોની સામે હતો. છેલ્લા બોલ પર જીતવા માટે 5 રનની જરૂર હતી અને ટાઈ માટે ચોગ્ગાની જરૂર હતી. એવી અપેક્ષા હતી કે ધોની સિક્સર ફટકારીને મેચ પૂરી કરશે. પરંતુ આવું ન થયું. સંદીપે છેલ્લો બોલ યોર્કર ફેંક્યો હતો. જેના પર ધોની એક રન લેવામાં સફળ રહ્યો હતો. આ રીતે ચેન્નાઈની ટીમ આ રોમાંચક મેચમાં જીતથી 3 રન દૂર રહી હતી.