Mika Singh:બોલિવૂડના પ્રખ્યાત ગાયક મીકા સિંહ છેલ્લા કેટલાક સમયથી બીમાર છે. નાદુરસ્ત તબિયતના કારણે તેઓ વિદેશમાં અટવાયા છે. મિકા સિંહે પોતે જણાવ્યું કે તેને ગળામાં ઈન્ફેક્શન થયું છે, આવી સ્થિતિમાં તે કોન્સર્ટમાં પણ પરફોર્મ કરી શકતો નથી. સિંગરે ખુલાસો કર્યો છે કે તેને 15 કરોડ રૂપિયાનું નુકસાન થયું છે. તેણે એ પણ સ્વીકાર્યું કે તેની ભૂલોને કારણે તેને આ બધું ભોગવવું પડે છે. તેણે શરીરને જરા પણ આરામ ન આપ્યો અને તેની તબિયત અને ગળું સતત ખરાબ થતું રહ્યું.
હવે આ સંજોગોમાં મિકા સિંહે પોતે મૌન તોડ્યું છે. તેણે ‘હિન્દુસ્તાન ટાઈમ્સ’ને આપેલા ઈન્ટરવ્યુમાં કહ્યું, ‘મારી 24 વર્ષની લાંબી કારકિર્દીમાં આવું પહેલીવાર બન્યું છે. મારી તબિયત સારી ન હોવાને કારણે મારે મારા શો સ્થગિત કરવા પડ્યા છે. જ્યારે મારા સ્વાસ્થ્યની વાત આવે છે ત્યારે હું હંમેશા ખૂબ કાળજી રાખું છું. પરંતુ મેં યુએસમાં બેક ટુ બેક શો કર્યા. જરા પણ આરામ ન કર્યો. પરિણામ એ આવ્યું કે મારી તબિયત બગડવા લાગી.
46 વર્ષીય મીકા સિંહે ખુલાસો કર્યો કે તે ડલ્લાસ (યુએસએ)માં પરફોર્મ કરી રહ્યો હતો. તે દરમિયાન તેને ઠંડી અને ગરમી લાગી. તેની અસર તેના ગળા પર પણ થઈ હતી. આ પછી ડૉક્ટરે તેને મનાઈ કરી દીધી કે તે આગામી શો માટે 25 કલાકની મુસાફરી કરીને ઓસ્ટ્રેલિયા કે બીજે ક્યાંય પણ જઈ શકશે નહીં. આ જ કારણ છે કે મિકા સિંહ પણ ભારત પરત ફરી શકતો નથી.
મિકા સિંહને 15 કરોડ રૂપિયાનું નુકસાન થયું છે.
બગડતી તબિયતને કારણે મિકા સિંહ ઘણા શો કરી શક્યા નથી. નહિ તો આ દિવસોમાં તેઓ વિશ્વ પ્રવાસ પર હતા, વિવિધ દેશોમાં ઘણા કોન્સર્ટ થવાના હતા. આવી સ્થિતિમાં મીકા સિંહે જણાવ્યું કે તેને 10-15 કરોડ રૂપિયાનું નુકસાન થયું છે. શોમાં પરફોર્મ ન કરી શકવાને કારણે તેણે ઘણા લોકોના પૈસા પણ પરત કરવા પડ્યા છે. તેણે કહ્યું, ‘કેટલાક લોકોએ મને ખૂબ સપોર્ટ કર્યો અને મને સીડી અને લિપ સિંક દ્વારા ગાવાની મંજૂરી આપી. આજ સુધીની બધી મહેનત, ઇમેજ, રિસેપ્શન બધું બગડી જાય છે.
બૉલીવુડ ફિલ્મ માંડ-માંડ કરોડોની કમાણી કરે છે અને આ અમેરિકન સિંગર રોજના કરોડો કમાઈ છે જાણો કોણ છે?
જે કામ માટે ત્રણેય ખાન પાછા પડ્યા એ જ કામ તારા સિંહે ત્રાડ પાડીને કરી નાખ્યું, જાણીને સની દેઓલ પર ગર્વ થશે!
રાખી સાવંતે ફરીથી મોટો ધડાકો કર્યો, આદિલ વિશે વાત કરતા કહ્યું- મારા રૂમમાં ઘુસ્યો, મારા કપડાં ફાડ્યા, 3 કલાક સુધી…
મિકા સિંહની તબિયત હવે કેવી છે?
જો કે મીકા સિંહે એ પણ સ્પષ્ટ કર્યું કે હવે તેની તબિયત પહેલા કરતા ઘણી સારી છે. હવે તે સ્વસ્થ થઈ રહ્યો છે. આ અઠવાડિયાથી તે રેકોર્ડિંગ વગેરે પણ શરૂ કરી રહ્યો છે. ટૂંક સમયમાં બાલી, સિંગાપોર, મલેશિયા, જકાર્તા અને અન્ય ઘણા દેશોમાં તેના પરફોર્મન્સ યોજાવા જઈ રહ્યા છે.