વડા પ્રધાન નરેન્દ્ર મોદી ફરી એકવાર વિશ્વના સૌથી લોકપ્રિય નેતા તરીકે ક્રમાંકિત થયા છે. યુએસ સ્થિત કન્સલ્ટિંગ ફર્મ ‘મોર્નિંગ કન્સલ્ટ’ દ્વારા બહાર પાડવામાં આવેલી વૈશ્વિક નેતાઓની તાજેતરની મંજૂરીની યાદીમાં પીએમ મોદી 75 ટકાના સર્વોચ્ચ મંજૂરી રેટિંગ સાથે લોકપ્રિય નેતાઓની યાદીમાં ટોચ પર છે. આ સર્વેમાં વિશ્વભરના 22 નેતાઓના એપ્રુવલ રેટિંગનું મૂલ્યાંકન કરવામાં આવ્યું છે, જેમાં પીએમ મોદીની લોકપ્રિયતા સામે અમેરિકી રાષ્ટ્રપતિ જો બિડેન, ફ્રાન્સના રાષ્ટ્રપતિ ઈમેન્યુઅલ મેક્રોન અને બ્રિટિશ વડાપ્રધાન ઋષિ સુનાકના રેટિંગ ખૂબ નબળા હતા.
30 માર્ચ, 2023 સુધી વૈશ્વિક નેતાઓના એપ્રુવલ રેટિંગ મુજબ, પીએમ મોદી પછી, મેક્સીકન રાષ્ટ્રપતિ એન્ડ્રેસ મેન્યુઅલ લોપેઝ ઓબ્રાડોરનું નામ આ યાદીમાં આવે છે, જેમણે 61 ટકા રેટિંગ સાથે બીજું સ્થાન મેળવ્યું હતું. ઑસ્ટ્રેલિયન વડા પ્રધાન એન્થોની આલ્બાનીઝ 55 ટકાના મંજૂરી રેટિંગ સાથે ત્રીજા ક્રમે આવ્યા હતા, જ્યારે સ્વિટ્ઝર્લૅન્ડના રાજ્યના વડા, એલેન બર્સેટને 53 ટકાની મંજૂરી રેટિંગ મળ્યું હતું.
આ પછી, અન્ય તમામ રાજ્યના વડાઓનું રેટિંગ 50 ટકાથી ઓછું રહ્યું. આમાં યુએસ પ્રમુખ જો બિડેન માત્ર 41 ટકાના એપ્રુવલ રેટિંગ સાથે છઠ્ઠા ક્રમે છે, કેનેડાના પીએમ જસ્ટિન ટ્રુડો 39 ટકાના એપ્રુવલ રેટિંગ સાથે સાતમા ક્રમે છે, જ્યારે યુકેના પીએમ ઋષિ સુનક 34 ટકાના એપ્રુવલ રેટિંગ સાથે 10માં ક્રમે છે.
મોર્નિંગ કન્સલ્ટ વેબસાઈટે રવિવાર, 2 એપ્રિલના રોજ આ રેટિંગ્સ બહાર પાડતા જણાવ્યું હતું કે આ લેટેસ્ટ એપ્રુવલ રેટિંગ 22-28 માર્ચ, 2023 દરમિયાન એકત્રિત કરવામાં આવેલા ડેટા પર આધારિત છે. મોર્નિંગ કન્સલ્ટ મુજબ, તે દરરોજ વિશ્વભરના 20,000 લોકો સાથે ઓનલાઈન ઈન્ટરવ્યુ લે છે.
ક્યાંક 7.3 તો ક્યાંક 4.3… ભારત સહિત ધરતી પર અલગ-અલગ દેશોમાં ધરા ધ્રુજી, ચોમેર લોકોમાં ફફડાટનો માહોલ
કંપનીએ જણાવ્યું કે તેણે દરેક દેશમાં અલગ-અલગ સેમ્પલ સાઈઝ સાથે 7 દિવસ સુધી આ સર્વે કર્યો. આ સર્વે માટેના નમૂનાનું કદ અમેરિકામાં 45 હજાર હતું, જ્યારે અન્ય દેશોમાં તે 500 થી 5000 વચ્ચે હતું. કંપનીના જણાવ્યા અનુસાર, આ સર્વેમાં ભારતમાંથી માત્ર સાક્ષર વસ્તીના નમૂનાનો સમાવેશ કરવામાં આવ્યો છે.