હવામાન વિભાગે આજે પાટણ, મહેસાણા અને કચ્છમાં ભારે વરસાદની શક્યતાઓ વ્યક્ત કરી છે. આ સાથે ઉત્તર ગુજરાતના સાબરકાંઠામાં પણ ભારે વરસાદની આગાહી છે. હવામાન વિભાગે ગાંધીનગર અને અમદાવાદમાં પણ ભારે વરસાદ થવાની શક્યતાઓ વ્યક્ત કરી છે. બનાસકાંઠામાં પાછલા કલાકોમાં તોફાની વરસાદ થતાં ઠેરઠેર પાણી ભરાયા છે. 17મી જૂનના સવારના 6 વાગ્યા સુધીમાં બનાસકાંઠામાં તોફાની વરસાદ વરસ્યો છે. જેમાં વડગામ, ધાનેરા, દિયોદર, ભાભર, સુઈગામ, ડીસા, પાલનપુરમાં વરસાદ નોંધાયો છે.
હાલમાં પણ અનેક જગ્યાએ રાજ્યભરમાં ભારેથી અતિ ભારે વરસાદ ખાબકી રહ્યો છે. કચ્છ, દ્વારકા સહિત સૌરાષ્ટ્રના ભાગો અને રાજ્યના વિવિધ ભાગોમાં ભારે વરસાદ જોવા મળ્યો છે. છેલ્લા 24 કલાકમાં રાજ્યના 200 તાલુકામાં વરસાદ નોંધાયો છે. સૌથી વધુ કચ્છના અંજારમાં 9 ઇંચ વરસાદ નોંધાયો છે. 24 કલાકમાં રાજ્યના 200 તાલુકામાં વરસાદ નોંધાયો છે.
કચ્છના અંજારમાં સૌથી વધુ 9 ઈંચ વરસાદ પડ્યો છે. માંડવી અને ભચાઉમાં સાડા આઠ ઈંચ વરસાદ પડ્યો છે. ભુજ અને મુંદ્રામાં 8 ઈંચથી વધુ વરસાદ પડ્યો છે. રાપર અને નખત્રાણામાં સાડા સાત ઈંચ વરસાદ નોંધાયો છે. જામનગરમાં સાડા 6 ઈંચ વરસાદ પડ્યો ખાબક્યો છે.
ગુજરાત સરકાર થઈ મહેરબાન, વાવાઝોડામાં અસરગ્રસ્ત વિસ્તારો માટે કરવામાં આવી મોટી જાહેરાત, રોકડા પણ આપશે
આ ઉપરાંત વાત કરીએ તો રાજ્યના 93 તાલુકામાં 1 ઈંચથી વધુ વરસાદ થયો છે. 55 તાલુકામાં 2 ઈંચથી વધુ વરસાદ ખાબક્યો છે. રાજ્યના 33 તાલુકામાં 3 ઈંચથી વધુ વરસાદ પડ્યો છે. 14 તાલુકામાં 4 ઈંચ કરતા વધુ વરસાદ ખાબક્યો છે. રાજ્યના 10 તાલુકામાં 5 ઈંચ કરતા વધુ વરસાદ પડ્યો છે.