Gujarat Weather Forecast : હવામાન વિભાગે (Meteorological department) આગામી સમયમાં હળવા વરસાદનો પણ અંત આવવાની શક્યતા જણાવી છે. રાજ્યમાં હાલ કોઈ વરસાદી એક્ટિવ સિસ્ટમ ન હોવાના કારણે ભારે વરસાદની સંભાવનાઓ નથી. જોકે, રાજ્યમાં ગુજરાત (gujarat) સિવાય કેટલાક ભાગોમાં હળવો વરસાદ રહેવાની સંભાવનાઓ છે. શનિવારે કરવામાં આવેલી આગાહીમાં હળવો વરસાદ રહેવાની અને તેમાં પણ ઘટાડો થવાની સંભાવનાઓ વ્યક્ત કરવામાં આવી રહી છે. પાંચ દિવસની આગાહીમાં એક દિવસ માટે માછીમારોને ચેતવણી આપવામાં આવી છે.
હવામાન કેન્દ્રના વૈજ્ઞાનિક અભિમન્યુ ચૌહાણ (Abhimanyu Chauhan) દ્વારા આગાહી કરવામાં આવી છે કે રાજ્યમાં હળવો છૂટોછવાયો વરસાદ આવી શકે છે. તેમણે 15મી તારીખથી વરસાદમાં ઘટાડો થવાની સંભાવનાઓ પણ વ્યક્ત કરી હતી, જુલાઈમાં જે પ્રમાણેનું વરસાદનું જોર રહ્યું હતું, તેવું જોર ઓગસ્ટમાં જોવા મળ્યું નથી, વરસાદના ત્રણ રાઉન્ડ પછી ચોથો રાઉન્ડ પણ ધમાકેદાર રહેવાની શક્યતાઓ હતી, પરંતુ બંગાળની ખાડી પરથી આવેલી સિસ્ટમ ઉત્તર-પશ્ચિમ તરફ ગતિ કરી હતી.
અમદાવાદ અને ગાંધીનગરના વરસાદ અંગે સંભાવનાઓ વ્યક્ત કરીને હળવા વરસાદના સ્પેલ થવાની આગાહી કરી હતી, જેમાં કેટલાક ભાગોમાં હળવા વરસાદના સ્પેલ થઈ શકે છે. નોંધનીય છે કે શનિવારે અમદાવાદ અને ગાંધીનગરના ભાગોમાં હળવા વરસાદી ઝાપટાં પડ્યા હતા.
ફરીથી આકાશમાંથી તોફાન વરસશે, 15 ઓગસ્ટ સુધી ગુજરાત સહિત દેશના ઘણા રાજ્યોમાં ભારે વરસાદનું એલર્ટ
હવામાન વિભાગે પાંચ દિવસની આગાહીમાં 13 ઓગસ્ટ માટે રાજ્યની ઉત્તર ભાગની દરિયાઈ પટ્ટીના માછીમારોને ચેતવણી આપવામાં આવી છે. આ દરમિયાન દરિયામાં પવનની ગતિ 45-55 કિલોમીટર પ્રતિ કલાક રહી શકે છે. વરસાદનું જોર ઘટ્યું છે, ત્યારે ખેડૂતો મુઝવણમાં મુકાયા છે, તેમને એવો ડર સતાવી રહ્યો છે કે તેમણે પિયત કરવું જોઈએ કે નહીં, કારણ કે તેમને એવી ચિંતા છે કે પિયત કર્યા બાદ જો વરસાદ થાય તો તેમના પાકને નુકસાન થઈ શકે છે.