Reserve Bank of India : રિઝર્વ બેંક ઓફ ઈન્ડિયાએ પ્રોમ્પ્ટ કરેક્ટિવ એક્શન (PCA) ફ્રેમવર્ક સંબંધિત નવા નિયમો જારી કર્યા છે. આરબીઆઈએ (RBI) કહ્યું છે કે નવા નિયમો હેઠળ કડક દેખરેખના ધોરણો ઓક્ટોબર 2024 થી સરકારી માલિકીની નોન-બેંકિંગ નાણાકીય કંપનીઓ (NBFC) પર લાગુ થશે.
જ્યારે નાણાકીય એન્ટિટી PCA ફોર્મેટ હેઠળ મૂકવામાં આવે છે, ત્યારે તેના ડિવિડન્ડ વિતરણ/નફાના રેમિટન્સ, પ્રમોટર્સ/શેરધારકોને રોકાણ અથવા ઇક્વિટીના વેચાણ પર અને જૂથ કંપનીઓ વતી ગેરંટી આપવા અથવા અન્ય આકસ્મિક જવાબદારીઓ લેવા પર પ્રતિબંધો છે.
ફ્રેમવર્ક 2021 માં બહાર પાડવામાં આવ્યું હતું
રિઝર્વ બેંકે 14 ડિસેમ્બર, 2021 ના રોજ એનબીએફસી એકમો માટે પીસીએ ફોર્મેટ જારી કર્યું હતું. અગાઉ ખાનગી ક્ષેત્રની એનબીએફસી કંપનીઓને તેના દાયરામાં રાખવામાં આવતી હતી, પરંતુ હવે જાહેર ક્ષેત્રની એનબીએફસીને તેના હેઠળ લાવવાનો નિર્ણય લેવામાં આવ્યો છે.
આરબીઆઈએ આપી માહિતી
આરબીઆઈએ એક પરિપત્રમાં જણાવ્યું હતું કે, “ડ્રાફ્ટની સમીક્ષા કરવામાં આવી છે અને તેને 1 ઓક્ટોબર, 2024 થી સરકારી એનબીએફસી (નાની કંપનીઓને બાદ કરતાં) સુધી લંબાવવાનો નિર્ણય લેવામાં આવ્યો છે.” આ માટે, 31 માર્ચ, 2024 ના રોજ અથવા તે પછીના ઓડિટેડ નાણાકીય ડેટા આધારિત રહેશે.
આનો સમાવેશ એનબીએફસી કંપનીઓમાં થાય છે
કેટલીક મોટી સરકારી એનબીએફસી કંપનીઓમાં પીએફસી(PFC), આરઇસી, (REC) આઇઆરએફસી (IRAFC) અને આઇએફસીઆઇનો (IFCI) સમાવેશ થાય છે.
નવરાત્રિમાં કરો લવિંગની જોડીનો ઉપાય, માતા લક્ષ્મી તમારા પર મુશળધાર પૈસાનો વરસાદ કરશે, નસીબ ખુલી જશે
Breaking: મોદી સ્ટેડિયમને ઉડાવી દેવાની ધમકી આપનારો આરોપી રાજકોટથી ઝડપાઈ ગયો, 500 કરોડની માંગ કરી હતી
નવા નિયમો કેમ લાગુ કરવામાં આવી રહ્યા છે?
પીસીએ (PCA) માળખાના અમલીકરણનો હેતુ નાણાકીય સંસ્થાને રિયલ-ટાઇમ મોનિટરિંગ હસ્તક્ષેપ પૂરો પાડવાનો છે. તે માટે સંસ્થાઓએ તેમના નાણાકીય સ્વાસ્થ્યને સુધારવા માટે સમયસર ઉપચારાત્મક પગલાં શરૂ કરવા અને તેનો અમલ કરવાની જરૂર છે.