જો તમે પણ શેર માર્કેટમાં ટ્રેડિંગ કરો છો, તો તમારા પૈસાનું રોકાણ કાળજીપૂર્વક કરો. માર્કેટ રેગ્યુલેટર સેબીએ અદાણી ગ્રુપની 3 કંપનીઓ પર ચાંપતી નજર રાખી છે. સેબીનું માનવું છે કે આ કંપનીઓમાં ખોટી રીતે ટ્રેડિંગ થઈ રહ્યું છે અને અહીં રોકાણ કરનારા રોકાણકારોએ સાવધાનીથી વેપાર કરવો જોઈએ. માર્કેટ રેગ્યુલેટરે આ ત્રણેય કંપનીઓ સાથે જોડાયેલી કેટલીક માહિતી પહેલાથી જ માંગી હતી.
બિઝનેસ સ્ટાન્ડર્ડ અનુસાર, સેબી અદાણી ગ્રુપની કંપની અદાણી પાવર, અદાણી ગ્રીન એનર્જી અને અંબુજા સિમેન્ટના શેર પર નજર રાખી રહી છે. રોકાણકારોએ આ શેરોમાં સાવચેતીપૂર્વક વેપાર કરવાની જરૂર છે. સેબીએ આશંકા વ્યક્ત કરી છે કે અદાણી ગ્રૂપની આ ત્રણ કંપનીઓમાં ઇનસાઇડર ટ્રેડિંગ દ્વારા ભાવમાં વધારો અને ઘટાડો કરવામાં આવી રહ્યો છે. મામલા સાથે જોડાયેલા સૂત્રોએ આ અંગે માહિતી આપી છે. એવું કહેવાય છે કે સેબી આ ત્રણેય કંપનીઓના શેરના છેલ્લા કેટલાક વ્યવહારોની પણ તપાસ કરી રહી છે. ભવિષ્યમાં પણ આ કંપનીઓના ટ્રેડિંગ પર નજર રાખવામાં આવશે.
સેબીએ માહિતી માંગી હતી
સૂત્રોનું કહેવું છે કે માર્કેટ રેગ્યુલેટરે જૂનની શરૂઆતમાં જ અદાણી ગ્રુપની કંપનીઓ પાસેથી ગોપનીય માહિતી માંગી હતી. ત્યારે પણ સેબીએ આશંકા વ્યક્ત કરી હતી કે આ કંપનીઓમાં ઇનસાઇડર ટ્રેડિંગ દ્વારા નફો થઈ રહ્યો છે. તેમનું માનવું છે કે આ શેરોની કિંમતો વધારવા અને ઘટાડવાથી બજાર પ્રભાવિત થઈ રહ્યું છે. તેથી, ભવિષ્યમાં પણ આ કંપનીઓના વેપાર પર નજર રાખવામાં આવશે.
સેબીએ શા માટે આશંકા વ્યક્ત કરી?
આ મહિનાની શરૂઆતમાં સેબીએ અદાણી જૂથની કંપનીઓ પાસેથી અપ્રકાશિત પ્રાઇસ સેન્સિટિવ ઇન્ફર્મેશન (UPSI) માંગી હતી. માર્કેટ રેગ્યુલેટરને શંકા છે કે આ માહિતીનો ઉપયોગ ત્રણેય કંપનીઓના શેરના ભાવ વધારવા અથવા ઘટાડવા માટે કરવામાં આવી રહ્યો છે. શેરના ભાવને પ્રભાવિત કરીને આના દ્વારા ખોટી રીતે નફો પણ કમાઈ રહ્યો છે. આ આશંકાઓ બાદ જ સેબીએ ત્રણેય કંપનીઓ પર મોનિટરિંગ વધારી દીધું છે.
OMG! ભારતીય મહિલાઓ પાસે ઘરના કબાટમાં છે 100 લાખ કરોડનુ સોનુ, વિશ્વની ટોચની 5 બેંકો કરતાં પણ વધારે
હવે કંપનીઓની સ્થિતિ શું છે?
અદાણી ગ્રૂપની આ ત્રણેય કંપનીઓના વર્તમાન શેરના ભાવની વાત કરીએ તો 28 જૂનના રોજ સવારે 11.30 વાગ્યા સુધી અદાણી પાવરના શેર 2.49 ટકાના વધારા સાથે રૂ. 256.85 પર ટ્રેડ થઈ રહ્યા હતા. આ સિવાય અદાણી ગ્રીન એનર્જીનો શેર આજે સવારે 11.21 વાગ્યા સુધી 2.47 ટકાના ઘટાડા સાથે રૂ.944.50 પર ટ્રેડ થઈ રહ્યો હતો. એ જ રીતે અંબુજા સિમેન્ટનો શેર 28 જૂને સવારે 11.36 વાગ્યે 1.46 ટકા વધીને 438.35 પર ટ્રેડ થઈ રહ્યો હતો.