Business NEWS: મુંબઈની ગામદેવી પોલીસે ઉદ્યોગપતિ મુકેશ અંબાણીને અનેક ધમકીભર્યા ઈમેલ મોકલવા બદલ શનિવારે વહેલી સવારે તેલંગાણાના એક 19 વર્ષીય યુવકની ધરપકડ કરી હતી. ઈમેલમાં પોતાનું નામ ‘શાદાબ ખાન’ આપનાર આરોપીની ઓળખ ગણેશ રમેશ વનપાર્ધી તરીકે થઈ છે. પોલીસે શનિવારે આ જાણકારી આપી. તેમણે કહ્યું કે આરોપીને 8 નવેમ્બર સુધી પોલીસ કસ્ટડીમાં મોકલવામાં આવ્યો છે.
પોલીસે જણાવ્યું કે ગયા અઠવાડિયે અંબાણીને પાંચ ઈમેલ મળ્યા હતા, જેમાં મોકલનારએ તેમની પાસેથી પૈસાની માંગણી કરી હતી અને તેમને જાનથી મારી નાખવાની ધમકી આપી હતી. અહેવાલ મુજબ, મુંબઈ પોલીસના એક વરિષ્ઠ અધિકારીએ આ ઘટનાની પુષ્ટિ કરી અને કહ્યું, “એવું લાગે છે કે આ કેટલાક કિશોરો દ્વારા આચરવામાં આવેલ દુષ્કર્મ છે. અમારી તપાસ ચાલુ છે અને અમે મામલાના તળિયે જવાનો પ્રયાસ કરીશું.”
27 ઓક્ટોબરના રોજ શાદાબ ખાને કથિત રીતે મોકલેલ પ્રથમ ઈમેલમાં લખ્યું હતું, “જો તમે (અંબાણી) અમને 20 કરોડ રૂપિયા નહીં આપો તો અમે તમને મારી નાખીશું, અમારી પાસે ભારતમાં શ્રેષ્ઠ શૂટર છે.” આ પછી ચેરમેન અને એમડીને બીજો ઈમેલ મળ્યો. આમાં મેઈલ મોકલનારએ કહ્યું કે તેને પહેલા ઈમેલનો કોઈ જવાબ મળ્યો ન હતો, તેથી હવે તે 200 કરોડ રૂપિયાની માંગ કરી રહ્યો છે. અન્ય ઈમેલમાં લખ્યું હતું કે, “જો માંગણીઓ સંતોષવામાં નહીં આવે તો (અંબાણીને) ડેથ વોરંટ જારી કરવામાં આવશે.”
મુકેશ અંબાણીને ફરી જાનથી મારી નાખવાની ધમકી… 7 દિવસમાં ચોથી વખત આ ખાનના નામે આવ્યો ધમકીભર્યો મેલ
અંબાલાલ પટેલની નવેમ્બર મહિનાને લઈ ઘાતક આગાહી, દિવાળીના તહેવારમાં મેઘરાજા મંડાય તો નવાઈ નહીં
સોમવારે સમાચાર આવ્યા કે ખંડણીખોરે અંબાણીના સત્તાવાર ઈમેલ આઈડી પર ત્રીજો ઈમેલ મોકલીને 400 કરોડ રૂપિયાની માંગણી કરી. આ પછી તેને મંગળવાર અને બુધવારે આવા બે વધુ ઈમેલ મળ્યા. પોલીસે કહ્યું કે તેઓએ ઈમેલનું આઈપી એડ્રેસ ચેક કર્યું અને આરોપીને તેલંગાણામાં ટ્રેસ કર્યો. આ ગુનામાં વધુ લોકો સંડોવાયેલા છે કે કેમ તે જાણવાનો પ્રયાસ પોલીસ કરી રહી છે.