Bollywood News: ફિલ્મ અભિનેત્રી જેકલીન ફર્નાન્ડિસ અને સુકેશ ચંદ્રશેખર વચ્ચે ચાલી રહેલો વિવાદ અટકવાનો નામ નથી લઈ રહ્યો. એક તરફ બોલિવૂડ અભિનેત્રી જેકલીન ફર્નાન્ડિસે તાજેતરમાં સુકેશના વાંધાજનક પત્રો અને સંદેશાઓથી કંટાળીને કોર્ટનો સંપર્ક કર્યો હતો. તો હવે સુકેશ ચંદ્રશેખરે પણ જેકલીન સામે કાર્યવાહી કરી છે. સુકેશે અભિનેત્રી જેકલીન ફર્નાન્ડિસ વિરુદ્ધ દિલ્હી કોર્ટમાં અરજી કરી છે. તમને જણાવી દઈએ કે સુકેશ ચંદ્રશેખરે જેકલીનની અરજી સામે દિલ્હી કોર્ટમાં અરજી દાખલ કરી છે.
તમને જણાવી દઈએ કે અભિનેત્રી જેકલીન અને કોનમેન સુકેશ ચંદ્રશેખર વચ્ચે આ વિવાદ ઘણા સમયથી ચાલી રહ્યો છે. ડિસેમ્બર 2021માં 200 કરોડ રૂપિયાના મની લોન્ડરિંગ કેસમાં જેકલીનનું નામ સૌથી પહેલા સામે આવ્યું હતું. આ પછી એન્ફોર્સમેન્ટ ડિરેક્ટોરેટ (ED)ની તપાસમાં જેકલીનને પણ આરોપી બનાવવામાં આવી હતી. આ મામલે જેકલીનની ઘણી વખત પૂછપરછ પણ કરવામાં આવી હતી. EDની પૂછપરછ દરમિયાન એવું બહાર આવ્યું હતું કે જેકલીન સુકેશ સાથે રિલેશનશિપમાં હતી અને જેલમાં તેને મળવા આવતી હતી.
આ દરમિયાન સુકેશ જેકલીનને મોંઘી ગિફ્ટ પણ આપતો હતો. આ દરમિયાન જેકલીન અને સુકેશની ઘણી તસવીરો પણ સોશિયલ મીડિયા પર વાયરલ થઈ હતી. જો કે આ અંગે જેકલીન તરફથી કોઈ નિવેદન આવ્યું નથી.છેતરપિંડીના કેસમાં જેલમાં બંધ કોનમેન સુકેશ ચંદ્રશેખરના વાંધાજનક પત્રો અને સંદેશાઓથી કંટાળીને અભિનેત્રી જેકલીન ફર્નાન્ડિસે કોર્ટનો સંપર્ક કર્યો હતો. ખતરાની આશંકા વ્યક્ત કરતા જેકલીને કોર્ટ પાસે રાહતની માંગણી કરી હતી.
PM મોદીએ તેમના નિવાસસ્થાને ક્રિસમસની કરી ઉજવણી, ક્રિસમસને વિવિધતામાં એકતાનું ગણાવ્યું સ્વરૂપ
રણબીર અને આલિયાની પુત્રી રાહાની ક્યુટનેસ જોઈ તમને પણ લાડ કરવાનું મન થશે, જુઓ વીડિયો
સાથે જ કોર્ટમાં આપવામાં આવેલી અરજીમાં જેક્લિને સ્પષ્ટ કર્યું છે કે તેનો નિર્ણય સુરક્ષાના દૃષ્ટિકોણથી લેવામાં આવ્યો છે. જેક્લીનનું કહેવું છે કે 18 જુલાઈના રોજ કોર્ટમાં સુનાવણી દરમિયાન સુકેશ ચંદ્રશેખર પણ જેક્લીન સાથે વીડિયો કોન્ફરન્સિંગ દ્વારા જોડાયેલા હતા. તે દરમિયાન તેને સુકેશ ચંદ્રશેખર તરફથી વાંધાજનક વૉઇસ નોટ અને મેસેજ મળ્યો હતો.