આજના સમયમા લોકો નોકરીમા લગભગ 8થી 9 કલાક સતત કામ કરી રહ્યા છે. કેટલાક લોકોને ઓફિસના સમય દરમિયાન ઊંઘ પણ આવે છે, પરંતુ તેઓ ઊંઘી શકતા નથી, નહીં તો બોસ દ્વારા તેમને ઠપકો પણ મળી શકે છે. પરંતુ શું તમે ક્યારેય વિચાર્યું છે કે ઊંઘમાં કોઈને પૈસા મળી શકે છે? હા, એક વ્યક્તિએ સાથે આવુ જ કંઈક બન્યુ છે જે જાણીને તમે ચોંકી જશો!
સુપર મેઈનસ્ટ્રીમ નામનો યુટ્યુબર તેના પલંગની બાજુમાં માઇક્રોફોન, કેમેરા, લાઇટિંગ અને મોનિટર મૂકે છે. તેને જોવા માટે હજારો દર્શકો લાઇવસ્ટ્રીમમાં જોડાય છે. લોકો તેને જુએ છે અને પૈસા પણ આપે છે. લાઈવ વિડિયો સ્ટ્રીમ કર્યા બાદ તેઓ વિડિયો પણ પોસ્ટ કરે છે. ઊંઘમાંથી પૈસા કમાવવાનો વીડિયો જોરદાર વાયરલ થઈ રહ્યો છે.
તમને જણાવી દઈએ કે સુપર મેઈનસ્ટ્રીમ ચેનલ પર કોઈ વ્યક્તિ ઘણા કલાકો સુધી સૂઈ જાય છે અને લોકો તેને એલેક્સા દ્વારા ગીતો વગાડીને, મેસેજ મોકલીને અને વીડિયો પ્લે કરીને જગાડવાનો પ્રયાસ કરે છે. 21 વર્ષીય યુટ્યુબરે જણાવ્યું કે તે અઠવાડિયામાં એક વખત છ કલાક યુટ્યુબ લાઈવ કરીને £2,000 (2 લાખ રૂપિયાથી વધુ) કમાય છે.
સ્લીપ સ્ટ્રીમ યુટ્યુબ પર ખૂબ જ લોકપ્રિય છે અને હજુ પણ લોકો તેના દ્વારા હજારો અને લાખો રૂપિયા કમાઈ રહ્યા છે. લોકોને ઊંઘમાંથી પૈસા કમાવવાની આ રીત પણ પસંદ આવી રહી છે. સામગ્રી નિર્માતાઓ દ્વારા અપલોડ કરવામાં આવેલ સ્લીપ વીડિયોનું મુદ્રીકરણ કરવામાં આવે છે. YouTube પર સ્લીપ સ્ટ્રીમ્સમાં રસ દર્શાવનારા લોકોની સંખ્યા સતત વધી રહી છે.
જાન્યુઆરીના પ્રથમ ત્રણ અઠવાડિયામાં, યુટ્યુબ પર 170 થી વધુ વીડિયો જોવા મળ્યા હતા, જ્યારે ગયા વર્ષે કુલ સ્લીપ સ્ટ્રીમના 500 વીડિયો હતા. એવું લાગે છે કે કોઈને ઊંઘી જતા જોવા માટે ચૂકવણી કરવી વધુને વધુ લોકપ્રિય બની રહી છે.