એક ગરીબ માણસનું નસીબ રાતોરાત ચમક્યું. તેની પાસે ન તો પોતાનું ઘર હતું કે ન તો રહેવા માટે જરૂરી વસ્તુઓ. તે પોતાની પત્ની અને પુત્રી સાથે જીવ બચાવીને બીજા દેશમાં ભાગી ગયો હતો. પણ અહીં તેનું ભાગ્ય એ રીતે બદલાયું કે તેની આંખમાં આંસુ આવી ગયા. વાસ્તવમાં, તેને 23 કરોડ રૂપિયાથી વધુનું ઘર પણ મળ્યું અને 7 કરોડ રૂપિયાથી વધુ રોકડ પણ મળી.
ખરેખર, આ ઓસ્ટ્રેલિયામાં રહેતા એક શરણાર્થી પરિવારની વાર્તા છે. આ પરિવાર યુદ્ધગ્રસ્ત પૂર્વ આફ્રિકન દેશ બુરુન્ડીથી કોઈક રીતે જીવ બચાવવા અહીં આવ્યો હતો. ઑસ્ટ્રેલિયા આવ્યા પછી, એરિસ્ટાઇડ અને તેની પત્ની એસ્થરે તમામ પ્રકારની મુશ્કેલીઓનો સામનો કરવો પડ્યો. તેમની સાથે એક નાની દીકરી પણ હતી.
તમામ મુસીબતો સામે લડીને આ કપલે સાઉથ ઓસ્ટ્રેલિયામાં હેલ્થ સેક્ટરમાં કામ શરૂ કર્યું. પરંતુ હોસ્પિટલ રિસર્ચ ફાઉન્ડેશન હોમ લોટરીની ટિકિટ ખરીદ્યા પછી, તેનું નસીબ સંપૂર્ણપણે બદલાઈ ગયું. કારણ કે આ કપલ લોટરી લાગી અને તેઓએ ત્રણ મિલિયન ડોલર (23 કરોડથી વધુ)નું ઘર જીત્યું. આ ઘર સમુદ્ર કિનારે આવેલું છે. આ સાથે, તેણે 10 લાખ ડોલર (7 કરોડથી વધુ)નું રોકડ ઇનામ પણ જીત્યું. 200,000 ટિકિટ ખરીદનારા લોકોની યાદીમાં આ દંપતીનો સમાવેશ થાય છે. પરંતુ અંતે તેને ઈનામ મળ્યું.
એસ્થર કહે છે કે તેને આજીવિકા માટે સખત મહેનત કરવી પડી હતી. પરંતુ આ એક ઘટનાએ તેનું જીવન બદલી નાખ્યું. ઈનામમાં આટલી મોટી રકમ અને આલીશાન ઘર મળ્યા બાદ દંપતી રડવા લાગ્યું. ‘ડેઇલી મેઇલ’ના જણાવ્યા અનુસાર, એરિસ્ટાઇડ અને તેની પત્ની એસ્થરને બીચ પર એક આલીશાન ઘર મળ્યું છે, જેમાં ચાર બેડરૂમ, કિચન, પૂલ, ગેમ્સ રમવા માટે કોર્ટ જેવી તમામ સુવિધાઓ છે. આ ઘર સંપૂર્ણ રીતે સજ્જ છે. તેની પાસે 7 કરોડ રૂપિયા રોકડા પણ છે.