Turkey-Syria Earthquake: તુર્કી અને પડોશી સીરિયામાં સોમવારે 7.8ની તીવ્રતાના વિનાશક ભૂકંપે બધું તબાહ કરી નાખ્યું. 5000 થી વધુ લોકોના મોત થયા હતા, જ્યારે હજારો લોકો ઘાયલ થયા હતા. ભૂકંપના કારણે હજારો ઈમારતોને ભારે નુકસાન થયું છે. મૃતકોની સંખ્યામાં વધારો થવાની ધારણા છે કારણ કે બચાવકર્તા હજુ પણ કાટમાળ હેઠળ ફસાયેલા લોકોને અસરગ્રસ્ત વિસ્તારોમાં શોધી રહ્યા છે. આ પછી પણ તુર્કીમાં સતત ભૂકંપના આંચકા અનુભવાઈ રહ્યા છે. શક્તિશાળી ભૂકંપ બાદ અત્યાર સુધીમાં 100થી વધુ આફ્ટરશોક્સ આવી ચૂક્યા છે. અહીંના ભયંકર વિનાશથી લોકો ગભરાઈ ગયા છે… તસવીરો જોઈને તમે કલ્પના કરી શકો છો કે આ તબાહી કેટલી મોટી હતી.
આ તસવીર ઇદલિબ પ્રાંતમાં તુર્કીની સરહદ પાસે આવેલા હેરમ શહેરની છે, જ્યાં શોધકર્તાઓ કાટમાળમાં ફસાયેલા લોકોને શોધી રહ્યા છે.
વિવાદિત તુર્કી-સીરિયન પ્રાંત હટાયમાં શોધ અને બચાવ કામગીરી દરમિયાન કટોકટી કામદારો કાટમાળમાંથી બચી ગયેલા લોકોને શોધી રહ્યા છે. તેઓ ઘાયલોના શ્વાસના અવાજ પરથી જાણવાનો પ્રયાસ કરી રહ્યા છે કે તેઓ ક્યાં દટાયા આવ્યા છે.
હટાય, તુર્કીમાં ધરાશાયી થયેલી ઇમારતોનું હવાઈ દૃશ્ય, જે વિનાશની હદનો ખ્યાલ આપે છે. તમામ મકાનોને ભારે નુકસાન થયું છે.
સીરિયાના અલેપ્પો જિલ્લાનું હવાઈ દૃશ્ય સ્પષ્ટપણે દર્શાવે છે કે એવું કોઈ ઘર નથી કે જેને નુકસાન ન થયું હોય.
અધિકારીઓને ડર છે કે સોમવારે પરોઢ પહેલાં આવેલા ભૂકંપ અને આફ્ટરશોક્સથી મૃત્યુઆંક વધી શકે છે કારણ કે બચાવકર્તાઓએ મંગળવારે કાટમાળ નીચે ફસાયેલા લોકોને શોધવાનું ચાલુ રાખ્યું હતું. દેશમાં શોકનો માહોલ છે. ત્યાંના લોકો રડી રહ્યા છે કારણ કે તેમના પ્રિયજનો ફસાયા છે.
આ તસવીર હેરાન કરે તેવી છે. આ તસવીર સીરિયાના આફ્રીનની એક હોસ્પિટલની છે, જેમાં બેગમાં ભરેલી લાશો જમીન પર પડી છે.
વારા પછી વારો, મારા પછી તારો…. હવે અમીરોની યાદીમાં અંબાણીનો ફગોળિયો થયો, અદાણી ખાલી આટલા નંબર જ પાછળ
તુર્કીની ડિઝાસ્ટર એન્ડ ઇમરજન્સી મેનેજમેન્ટ ઓથોરિટીએ ભૂકંપના કારણે થયેલા વિનાશ બાદ દેશના મધ્ય અને દક્ષિણ ભાગોમાં ઉચ્ચતમ સ્તરની કટોકટી જાહેર કરી છે.