India NEWS: ઉત્તર ભારત અત્યારે આકરી ગરમીનો સામનો કરી રહ્યું છે. હાલ ગરમીના આ મોજામાંથી કોઈ રાહત મળે તેમ જણાતું નથી. ભારતીય હવામાન વિભાગ (IMD) એ ઉત્તર ભારત માટે ગંભીર ચેતવણી જાહેર કરી છે. હવામાનની આગાહી કરતી એજન્સીએ જણાવ્યું હતું કે ગરમીનું મોજું 2 જૂન સુધી ચાલુ રહેશે. તાપમાનમાં હજુ વધારો થવાની સંભાવના છે. રાજસ્થાન, પંજાબ, હરિયાણા, દિલ્હી, મધ્યપ્રદેશ અને ઉત્તર પ્રદેશમાં તીવ્ર ગરમી પડવાની સંભાવના છે. ગરમી અને હીટ વેવને ધ્યાનમાં રાખીને હવામાન વિભાગે નવી એડવાઈઝરી જારી કરી છે.
હવામાન વિભાગે કહ્યું છે કે 2 જૂન સુધી સવારે 10 થી બપોરે 3 વાગ્યા સુધી કોઈ પણ વ્યક્તિએ (ખુલ્લા આકાશ નીચે) બહાર ન જવું જોઈએ. હવામાન વિભાગે કહ્યું છે કે આ સમયગાળા દરમિયાન તાપમાન 45 ડિગ્રી સેલ્સિયસથી 55 ડિગ્રી સેલ્સિયસ સુધી જવાની શક્યતા છે. આવી સ્થિતિમાં ખુલ્લા આકાશની નીચે જવું જીવલેણ બની શકે છે. IMDએ કહ્યું છે કે જો કોઈ વ્યક્તિ ગૂંગળામણ અનુભવે છે અથવા અચાનક અસ્વસ્થતા અનુભવે છે, તો તરત જ ડૉક્ટરની સલાહ લો. તેમજ એડવાઈઝરીમાં રૂમની અંદર રહેતી વખતે દરવાજો ખુલ્લો રાખવાની સલાહ આપવામાં આવી છે જેથી વેન્ટિલેશન જળવાઈ રહે. મોબાઈલનો ઉપયોગ ઓછો કરવાની પણ સલાહ આપવામાં આવી છે.
વધતા તાપમાનના કારણે મોબાઈલ ફાટવાની આશંકા છે. હવામાન વિભાગે લોકોને સાવચેત રહેવા અપીલ કરી છે. વધુમાં, દરેકને સલાહ આપવામાં આવી છે કે શક્ય હોય તેટલું દહીં, છાશ, સફરજનના રસ જેવા ઠંડા પીણાંનો ઉપયોગ કરો. જો કે ઉત્તર ભારતમાં કાળઝાળ ગરમી વચ્ચે પૂર્વોત્તર ભારતે રાહતનો શ્વાસ લીધો છે.
પરેશ રાવલ વાપરવાના પૈસા ગર્લફ્રેન્ડ પાસેથી લેતા, 3 દિવસમાં જ છોડી દીધી બેંકની નોકરી, આ પાપ પણ કર્યું
ખરેખર જરૂર હતી કે મજબૂરીનો લાભ લીધો? આમિરે એક કિસિંગ સીન માટે 47 રિટેક લીધા, અભિનેત્રી માતા પણ…
હાથ ધરી હથિયાર, તડકો માથે તપ-તપે, તો’ય ઉભા અડીખમ…. વાસણા પોલીસ તમારી ફરજને સો-સો સલામ
બંગાળની ખાડીમાં સર્જાયેલા ચક્રવાત રામલને કારણે ચોમાસું 7 વર્ષ બાદ એક સાથે કેરળ અને ઉત્તરપૂર્વના મોટાભાગના વિસ્તારોમાં પહોંચી ગયું છે. ચોમાસાના આગમનથી આ વિસ્તારોમાં રહેતા લોકોને થોડી રાહત મળી છે.