World Cup 2023 : ભારતીય ક્રિકેટ ટીમે આ આઈસીસી વર્લ્ડ કપમાં (ICC World Cup) અત્યાર સુધી ખૂબ જ સારું પ્રદર્શન કર્યું છે. ટીમ ઈન્ડિયાએ (Team India) સતત 6 મેચમાં જીત મેળવી છે. 29 ઓક્ટોબર, રવિવારે ભારતે ઈંગ્લેન્ડ સામે એક તરફી વિજય મેળવતા ટુર્નામેન્ટની સેમિ ફાઈનલમાં સ્થાન નિશ્ચિત કરી લીધું હતુ. આ જીત સાથે જ ટીમ ઇન્ડિયાને પહેલી વાર કંઇક એવો સામનો કરવો પડ્યો કે જેનાથી ફેન્સ ડરી ગયા હતા. હવે આવનારી મેચોમાં રોહિત શર્મા અને ટીમે આ સમસ્યાનો ઉકેલ શોધવો પડશે, નહીંતર સમસ્યા વધી શકે છે.
આઇસીસી વન-ડે વર્લ્ડકપમાં અત્યાર સુધી તમામ મેચ જીતનારી ટીમ માત્ર એક જ છે. ભારત સિવાય ટૂર્નામેન્ટમાં રમી રહેલી તમામ 9 ટીમોએ હારનો સ્વાદ ચાખ્યો છે. ભારતીય ટીમે જીતના અભિયાનની શરૂઆત ઓસ્ટ્રેલિયા સામે કરી હતી. તેણે અફઘાનિસ્તાન, પાકિસ્તાન, બાંગ્લાદેશ, ન્યૂઝીલેન્ડ બાદ ઈંગ્લેન્ડ સાથે રમાયેલી મેચોમાં પણ આગેકૂચ જારી રાખી હતી. ઈંગ્લેન્ડ સામેની મેચ જીત્યા બાદ પણ ટીમ ઈન્ડિયાનું ટેન્શન વધી ગયું હતું. કારણ એવું છે કે, તમામ ફેન્સને પહેલાથી જ તેની ચિંતા હતી.
વિજય પછી પણ શું છે ટેન્શન?
ભારતીય ટીમે લક્ષ્યનો પીછો કરતા અત્યાર સુધી પહેલી પાંચ મેચ જીતી લીધી હતી અને ટોપ ઓર્ડરનું પ્રદર્શન સારું રહ્યું હતું. ભારતે ઓસ્ટ્રેલિયાને 6 વિકેટે, અફઘાનિસ્તાનને 8 વિકેટે, પાકિસ્તાને 7 વિકેટે, બાંગ્લાદેશને 7 વિકેટે અને ન્યૂઝીલેન્ડને 4 વિકેટે હરાવ્યું હતું. ઈંગ્લેન્ડ સામે ટુર્નામેન્ટમાં પ્રથમ બેટ્સમેન આવ્યો ત્યારે ટીમ ઈન્ડિયા 229 રન સુધી જ પહોંચી શકી હતી. આવનારી મેચોમાં જો ભારત પહેલા બેટિંગ કરે અને મોટો સ્કોર ન કરી શકે તો તે મુશ્કેલ બની જશે.
BREAKING: ભારતમાં ફરીથી બે ટ્રેનો ધડાકાભેર સામસામે અથડાઈ, લાશોનો ઢગલો, મોતનો આકંડો વધે એવી શક્યતા
ઈઝરાયેલ-હમાસ યુદ્ધ અને કતારની ઘટનાથી રોકાણકારોમાં ફફડાટ, ભારતને 20,300 કરોડનું નુકસાન
બોલરોએ કામ કર્યું, બેટ્સમેનોને મોટું લક્ષ્ય ન મળ્યું
ઓસ્ટ્રેલિયાને બોલરોએ માત્ર 199 રન સુધી સિમિત રાખ્યું હતું જ્યારે પાકિસ્તાન માત્ર 191 રન બનાવી શક્યું હતું. બાંગ્લાદેશની ટીમ 256 રન બનાવી શકી હતી. અફઘાનિસ્તાનની ટીમે 272 રન બનાવ્યા હતા અને ન્યૂઝીલેન્ડની ટીમ 273 રન સુધી પહોંચી હતી. ભારત આ ટૂર્નામેન્ટમાં અત્યાર સુધી 300 રન સુધી પહોંચી શક્યું નથી, જ્યારે ટોપ 4માં સ્થાન ધરાવતું સાઉથ આફ્રિકા ચાર વખત આવું કરી ચૂક્યું છે. ઓસ્ટ્રેલિયાની ટીમ પણ 4 વખત આવું કરી ચૂકી છે.