ગુજરાત વિધાનસભા ચૂંટણી જેમ્જેમ નજીક આવી રહી છે તેમતેમ ગુજરાતનુ રાજનીતીક વાતાવરણ ગરમાઇ રહ્યુ છે. ચૂટણી પહેલા અનેક નેતાઓ એક પાર્ટી છોડી અન્ય પાર્ટીમા જોડાઈ રહ્યા છે. આ વચ્ચે સમાચાર સામે આવ્યા છે કે એનસીપીથી નારાજ રેશમા પટેલ હવે આમ આદમી પાર્ટીમાં આવતીકાલે સવારે જોડાઈ રહ્યા છે. આ સાથે મોટી વાત એ છે કે આપ તરફથી રેશમા પટેલે વિરમગામની બેઠક પરથી મેદાને ઉતરી રહ્યા છે.
હવે આ જંગમા એક તરફ રેશમા પટેલ છે અને બીજી તરફ હાર્દિક પટેલ છે. આ બન્ને આંદોલન સમયે જૂના સાથી રહી ચૂક્યા છે. આ વિશે વિગતે વાત કરીએ તો કોંગ્રેસ અને એનસીપીએ ત્રણ બેઠકો પર ગઠબંધન અત્યારથી જ કરી લીધું હોવાથી રેશ્મા પટેલ નારાજ હતા. આ બાદ સૌરાષ્ટ્રની કોઇપણ બેઠક પર એનસીપીને મેન્ડેટ ન મળ્યુ. રેશ્મા પટેલની ગોંડલથી ચૂંટણી લડવી હતી પણ હવે તે થઈ શકે તેમ ન હતુ.
આ મુદ્દે તેમણે કહ્યુ હતું કે, તેઓ ગોંડલથી ચૂંટણી નહિ લડે, પરંતું ગોંડલના રાજકારણમાં સક્રિય રહેશે. ત્યારે નારાજ રેશ્મા પટેલે આમ આદમી પાર્ટીનો હાથ પકડ્યો છે. આ સિવાય અન્ય એક સમાચાર છે કે વડોદરાની માંજલપુર બેઠક પર ભાજપ પૂર્વ મુખ્યમંત્રી આનંદીબેન પટેલની દીકરી અનાર પટેલને મેદાને ઉતરી શકે છે.