Auto News: ભારતમાં ઈલેક્ટ્રિક વાહનોનું માર્કેટ ખૂબ જ ઝડપથી વધી રહ્યું છે. છેલ્લા કેટલાક વર્ષોમાં આ સેગમેન્ટમાં ગ્રોથ જોવા મળી રહ્યો છે. ઉદ્યોગના નિષ્ણાતોથી લઈને સરકારને પૂરો વિશ્વાસ છે કે આવનારો સમય વધુ સારો હશે. કેન્દ્રીય માર્ગ પરિવહન અને ધોરીમાર્ગ મંત્રી નીતિન ગડકરીએ દિલ્હીમાં ચાલી રહેલા EV EXPO 2023માં જણાવ્યું હતું કે 2030 સુધીમાં દેશમાં લગભગ 1 કરોડ EVનું વેચાણ થવાની ધારણા છે. તેનાથી લગભગ 5 કરોડ લોકોને રોજગાર મળશે.
નીતિન ગડકરીએ જણાવ્યું હતું કે, આજે ભારત વિશ્વમાં 30 ટકા અશ્મિભૂત ઇંધણ વાપરે છે, અને આપણી મોટાભાગની નિર્ભરતા આયાત પર છે. અમે માત્ર પેટ્રોલ, ડીઝલ અને ક્રૂડ ઓઇલની આયાત પર અંદાજે રૂ. 16 લાખ કરોડ ખર્ચી રહ્યા છીએ. દેશના પરિવહન ક્ષેત્રની 85 ટકા જરૂરિયાતો માત્ર આયાતી અશ્મિભૂત ઇંધણ દ્વારા જ પૂરી થાય છે.
અમેરિકા અને ચીન પછી, ભારત વિશ્વનું ત્રીજું સૌથી મોટું ઓટોમોટિવ માર્કેટ છે. હાલમાં, ઓટો ઉદ્યોગ લગભગ 12.5 લાખ કરોડ રૂપિયાનો છે, દર વર્ષે વાહનોની સંખ્યામાં 10 ટકાનો વધારો જોવા મળી રહ્યો છે. એટલું જ નહીં, ભારત દેશમાં CO2 ઉત્સર્જનમાં એકલા ઓટો-સેક્ટરનો હિસ્સો 40 ટકા છે. ડીઝલ એન્જિન પર ચાલતા વાહનો પ્રદૂષણનું મુખ્ય કારણ છે અને પર્યાવરણ માટે અત્યંત હાનિકારક છે.
હદ છે પણ હોં! મુખ્યમંત્રીની જીભ લપસી અને વડાપ્રધાન નરેન્દ્ર મોદીજીને હૃદયપૂર્વક શ્રદ્ધાંજલિ પાઠવી દીધી, ચારેકોર બદનામી થઈ
વાહન ધીમે ચલાવજો બાપલિયા: કોરોના કરતાં એક્સિડન્ટ વધારે ઘાતક! મોતની સંખ્યાનો આંકડો જાણી ફફડી જશો
નીતિન ગડકરીએ કહ્યું, અમે પરિવહન ક્ષેત્રને ડીકાર્બોનાઇઝ કરવા માટે એક મિશન મોડમાં કામ કરી રહ્યા છીએ, આ પ્રયાસમાં ઓછા ઉત્સર્જનનું પરિવહન જેમ કે ઇલેક્ટ્રિક વાહનો મહત્વની ભૂમિકા ભજવી રહ્યા છે. ઇલેક્ટ્રિક વાહનો પરિવહન માટે સૌથી યોગ્ય છે, સલામત અને સ્વચ્છ છે. જો આપણે સ્વિચ કરીએ તો નિયમિત વાહનોને બદલે સંપૂર્ણપણે ઇલેક્ટ્રિક વાહનોમાં, CO2 ઉત્સર્જન 2030 સુધીમાં 1 ગીગા ટન સુધી ઘટાડી શકાય છે.