Sunny Deol Angry : ગદર 2 (Gadar 2)ની સફળતાના કારણે બોલિવૂડ સ્ટાર સની દેઓલ (Sunny Deol) આજકાલ દરેક જગ્યાએ છે. તે આ ફિલ્મ વિશે ઘણા ઇન્ટરવ્યુ પણ આપી રહ્યો છે, જે અગાઉ નહોતું. સનીએ હંમેશા મીડિયાથી અંતર રાખ્યું છે અને તે એક પ્રાઇવેટ વ્યક્તિ હોવાના કારણે ચર્ચામાં આવવાનું પસંદ નથી કરતો. થોડા મહિના પહેલા સનીના દીકરા કરણ દેઓલ (Karan Deol Wedding) ના લગ્ન થયા હતા, જેના કેટલાક પ્રાઈવેટ વીડિયો સોશિયલ મીડિયા પર લીક થયા હતા, જેના કારણે સની દેઓલ ગુસ્સે ભરાયો હતો.
સનીએ સંબંધીઓને સાચુંખોટું કહ્યું
હાલમાં જ એક ઈન્ટરવ્યૂમાં સનીએ આ વિશે વાત કરી હતી અને કહ્યું હતું કે લગ્નમાં હાજરી આપવા માટે તેના ઘરે રોકાયેલા તેના કેટલાક સંબંધીઓએ કરણના લગ્નના ફોટા અને વીડિયો સોશિયલ મીડિયા પર લીક કર્યા હતા. સનીએ કહ્યું, “મને તે સંબંધીઓ પર ખૂબ ગુસ્સો આવ્યો. મેં તેમાંના કેટલાકને ઠપકો પણ આપ્યો હતો કે, તેઓએ સોશિયલ મીડિયા પર ઘરની અંદરના ફંક્શનના ફોટા અને વીડિયો કેમ લીક કર્યા. મેં તેને પૂછ્યું, તને શરમ નથી આવતી? સનીને પહેલા તો ખૂબ ગુસ્સો આવ્યો હતો, પરંતુ બાદમાં તે સમજી ગયો કે તમામ મહેમાનો વીડિયો રેકોર્ડ કરી રહ્યા છે. બધાને રોકવા અશક્ય છે.
ખાલી ડુંગળી અને ટામેટા જ નહીં, આ વસ્તુના કારણે પણ તમારી થાળી થઈ મોંઘીદાટ, કોઈને ખબર પણ ના પડી બોલો
સની સોશિયલ મીડિયાથી દૂર ભાગે છે
સનીએ કહ્યું, જ્યારે ફંક્શન યોજાઈ રહ્યા હતા ત્યારે મેં જોયું કે દરેક લોકો વીડિયો બનાવી રહ્યા છે, તેથી અંતે હું સમજી ગયો કે તેના વિશે કંઈ કરી શકાય નહીં, તેથી જે કોઈ વીડિયો બનાવી રહ્યો છે તેને બનાવવા દો.સનીએ સોશિયલ મીડિયા વિશે આગળ વાત કરતા કહ્યું કે તેનો ઉપયોગ એવા લોકો દ્વારા કરવામાં આવે છે જેઓ તેમના શબ્દોની અન્ય પર શું અસર કરશે તેની પરવા કરતા નથી. કોઈપણ પોતાની ઓળખ છતી કર્યા વિના અહીં કંઈપણ કરી શકે છે અને કહી શકે છે. તેઓ ફક્ત પોતાના વિશે જ વિચારે છે.