રાજ્યમાં સરકારી ભરતીની પરીક્ષાને લઈ એક મોટા સમાચાર સામે આવ્યા છે. રાજ્યના સામાન્ય વહીવટી વિભાગ દ્વારા જાહેરનામું બહાર પાડવામાં આવ્યું છે. આ જાહેરનામાં મુજબ હવે વર્ગ-3ની પરીક્ષાઓમાં મોટા ફેરફાર કરવામાં આવ્યા છે. પ્રાથમિક માહિતી મુજબ હવે પછી વર્ગ-3ની પરીક્ષામાં કોઈ પણ પ્રકારનું વેઈટિંગ લિસ્ટ જાહેર કરવામાં નહીં આવે. આ સાથે ભરતી માટે દ્વિસ્તરીય પરીક્ષાનું માળખું જાહેર કરવામાં આવ્યું છે.
રાજ્યમાં સરકારી ભરતીની પરીક્ષાને લઈ સામાન્ય વહીવટી વિભાગ દ્વારા મોટો નિર્ણય લાવામાં આવ્યો છે. જે ઉપરાંત વર્ગ-3ની મુખ્ય પરીક્ષા બે ગ્રુપમાં લેવામાં આવશે. જેમાં પ્રિમિલનરી અને મુખ્ય એમ બે તબક્કામાં પરીક્ષા લેવામાં આવશે. તેમજ પ્રિમિલનરી પરીક્ષામાં પાસ ઉમેદવારો જ મુખ્ય પરીક્ષા આપી શકશે.
4 કેડરની પરીક્ષા સંયુક્ત રીતે લેવામાં આવશે
આ પણ વાંચો
Phone Blast: બેટરી ખરાબ હોય તો સરખી કરી લેજો, 70 વર્ષના દાદા બેઠા હતા અને અચાનક જ ફોન ફાટ્યો
સિનિયર ક્લાર્ક, જૂનિયર ક્લાર્ક, ઓફિસ આસિસ્ટન્ટ અને હેડ ક્લાર્કની પરીક્ષા માટે નિયમ બદલવામાં આવ્યા છે. આ તરફ હવે ચારેય કેડરની પરીક્ષા સંયુક્ત રીતે લેવામાં આવશે. ઉલ્લેખનીય છે કે, હવે ફાઈનલ મેરિટના આધારે ઉમેદવારોની નિમણૂક થશે. આ સમગ્ર મામલે ગુજરાત રાજ્યના સામાન્ય વહીવટી વિભાગ દ્વારા જાહેરનામું બહાર પાડવામાં આવ્યું હતું.