નણંદ-સસરાની નફરતનું કંઈ ના આવ્યું, પતિનો ક્રિકેટનો ત્યાગ ફળ્યો! રવિન્દ્ર જાડેજાની પત્ની રીવાબા જંગી લીડથી વિજેતા બન્યા

Lok Patrika
Lok Patrika
2 Min Read
Share this Article

ગુજરાત વિધાનસભા ચૂંટણીની જામનગર ઉત્તર બેઠક માટે મતગણતરી હાથ ધરવામાં આવી હતી. ક્રિકેટર રવિન્દ્ર જાડેજાની પત્ની રીવાબા જાડેજા ગુજરાતની જામનગર ઉત્તર વિધાનસભા બેઠક પરથી જીતી ગયા છે. તેમણે તેમના નજીકના હરીફ અને આમ આદમી પાર્ટી (AAP) ના ઉમેદવાર કરશનભાઈ કરમુરને હરાવ્યા. ચૂંટણી પંચના જણાવ્યા અનુસાર, રીવાબાને 77,630 વોટ મળ્યા, જ્યારે AAPના કરમુરને 31,671 વોટ મળ્યા. કોંગ્રેસના બિપેન્દ્રસિંહ જાડેજા 22,180 મતો સાથે ત્રીજા ક્રમે છે.

જામનગર ઉત્તર બેઠક પર રસપ્રદ મુકાબલો હતો. જ્યારે રવિન્દ્ર જાડેજાએ તેમની પત્ની માટે પ્રચાર કર્યો હતો, જ્યારે તેમની બહેન નયનાબા જાડેજાએ કોંગ્રેસના ઉમેદવાર માટે પ્રચાર કર્યો હતો અને એમના સસરાએ પણ અલગ અલગ આરોપો નાખ્યા હતા. જો કે એની કોઈ અસર ન થઈ અને આખરે રીવાબા જીતી ગયા છે. તમને જણાવી દઈએ કે ગુજરાતમાં આ વખતે ભાજપે સાતમી વખત જીત મેળવીને ઈતિહાસ રચ્યો છે.

જામનગર ઉત્તર વિધાનસભા બેઠક પર ભાજપ અને કોંગ્રેસ વારાફરતી વિજય પતાકા લહેરાવી રહ્યા છે. પરંતુ આ વખતે આમ આદમી પાર્ટી પણ હરીફાઈમાં સામેલ છે. પંજાબ વિધાનસભાની ચૂંટણીની જેમ જ ગુજરાતની ચૂંટણીમાં પણ ઈતિહાસ રચવા આમ આદમી પાર્ટી પૂરા જોશથી લડી રહી હતી. ક્રિકેટર રવિન્દ્ર જાડેજાના પિતા અને બહેને આ બેઠક પર કોંગ્રેસના ઉમેદવાર માટે પ્રચાર કર્યો હતો. ઉલ્લેખનીય છે કે ભાજપે તેના વર્તમાન ધારાસભ્ય ધર્મેન્દ્રસિંહ જાડેજાને ટિકિટ આપી નથી. તેઓ સ્થાનિક રીતે હકુભા તરીકે ઓળખાય છે. મોટાભાગના એક્ઝિટ પોલમાં ભાજપ ગુજરાતમાં સતત સાતમી વખત સરકાર બનાવવાની આગાહી કરવામાં આવી હતી.

ગુજરાત વિધાનસભાની ચૂંટણીમાં રવિન્દ્ર જાડેજા ખૂબ જ સક્રિય જોવા મળ્યો હતો. તેઓ તેમની પત્ની રીવાબા જાડેજા માટે સતત રેલીઓ કરી રહ્યા હતા. જાડેજાની પત્ની રીવાબા જામનગર વિધાનસભા બેઠક પરથી ભારતીય જનતા પાર્ટીના ચિહ્ન પર ચૂંટણી લડી રહી હતી. આ દરમિયાન ટીમ ઈન્ડિયાની ચૂંટણી રેલીઓમાં અનફિટ રવિન્દ્ર જાડેજાની સક્રિયતા જોઈને સવાલો ઉભા થવા લાગ્યા હતા. સવાલ એ છે કે જ્યારે તેને અનફિટ હોવાના કારણે બાંગ્લાદેશ સામેની આગામી મહિને રમાનારી વન-ડે શ્રેણીમાંથી બહાર રાખવામાં આવ્યો હતો તો ચૂંટણીની સિઝનમાં તે આટલો ફિટ કેવી રીતે દેખાઈ રહ્યો હતો. તમે કલાકો સુધી રેલીઓ કેવી રીતે કરી શકતો હતો. ત્યારે હવે તેમનો આ ત્યાગ ફળ્યો હોવાનું કહેવાય છે.


Share this Article