ગુજરાતમાં કોરોનાનો રાફડો ફાટતા હાઈકોર્ટે સખત પગલા લીધા, હવે સોમવારથી ગુજરાતીઓ આ કામ નહીં કરી શકે

Lok Patrika
By Lok Patrika
Share this Article

દરરોજ વધતાં કોરોનાના કેસ આજે ફરી એક વખત ચિંતાનો વિષય બન્યો છે, સાથે જ ઓમિક્રોનના વધતાં કેસ પણ દહેશત ફેલાવી રહ્યા છે. રાજ્યમાં કોરોના સંક્રમણ સતત વધી રહ્યું છે. ગુજરાતમાં ગઈકાલે કોરોનાના નવા 4213 કેસ નોંધાયા છે તો સાથે એક્ટિવ કેસનો આંક વધીને 14, 346 થયો છે. એક જ દિવસમાં સાજા થનાર દર્દીમાં 264%નો વધારો થતો જોવા મળી રહ્યો છે.જેને પગલે સોમવારથી ગુજરાત હાઇકોર્ટમાં ફિઝિકલ હિયરિંગ બંધ કરવામાં આવ્યું છે. હવે વર્ચ્યુઅલ સુનાવણી થશે.

ગુજરાત હાઇકોર્ટ એડ્વોકેટ્સ એસોસિએશને વર્ચ્યુઅલ સુનાવણી કરવા ચીફ જસ્ટિસને રજૂઆત કરી હતી. અને આ રજૂઆતમાં કોરોના કેસને લઈ કોર્ટની કાર્યવાહી આગામી ત્રણ અઠવાડીયા સુધી વર્ચ્યુઅલ કરવા રજૂઆત કરી હતી. હાલમાં હાઇકોર્ટની SOPને ધ્યાને લેતા કોર્ટ વર્ચ્યુઅલ મોડમાં ચલાવવાની રજૂઆત કરી હતી. જેના કારણે ગુજરાત HCને લઈને પણ મોટો નિર્ણય લેવાયો છે. સોમવારથી હાઈકોર્ટ વર્ચ્યુઅલ મોડમાં આગામી બે દિવસ સુધી હાઇકોર્ટ પરિસરનું સેનિટાઇઝેશન કરવામાં આવશે. વકીલોની ચેમ્બર્સ પણ બંધ કરાશે. કેસના ફાઇલિંગ માટે 10 કાઉન્ટર્સ શરૂ કરાશે. મહામારીને કારણે આ પહેલા 17 મહિના સુધી હાઇકોર્ટમાં વર્ચ્યુઅલ હિયરિંગ ચાલ્યું હતું. ત્યાર બાદ 17 ઓગસ્ટથી ફિઝિકલ હિયરિંગ શરૂ કરવામાં આવ્યું હતું.


Share this Article
Posted by Lok Patrika
Follow:
Lok Patrika is the fastest-growing Daily Gujarati news Paper and Gujarati News in Gujarat since 2010. Flagship Brand Lok Patrika, which bring its dedicated readers the most reliable, authentic and unbiased news among every Gujarati news site. It provides more diverse multimedia content than other linguistic sites. Its dedicated online editorial team delivers exclusive and comprehensive content every day. Besides this, numerous numbers of news from the broad network of Lok Patrika Newspapers are available to the Gujarati speaking people who live globally. Our site is updated 24 hours a day so that every core event can reach our readers instantly